• USD 469.17

  • EUR 495.07

  • RUB 7.56

  • CNY 67.46

06 Jeltoqsan, 02:45:21
-6°

2021 jylǵy 1 qańtardan bastap aılyq eseptik kórsetkish (AEK) 2917 teńge mólsherinde belgilendi. Soǵan oraı zeınetaqy, járdemaqy, ózge de áleýmettik tólemder, salyqtar men aıyppuldar mólsheri ózgeredi.

Atap aıtqanda, 2021 jyldyń 1 qańtarynan:

– jalaqynyń eń tómengi mólsheri – 42 500 teńge;

– memlekettik bazalyq zeınetaqy tóleminiń eń tómengi mólsheri – 18 524 teńge;

– zeınetaqynyń eń tómengi mólsheri – 43 272 teńge bolady.

Al járdemaqylardy jáne ózge de áleýmettik tólemderdi esepteý, sondaı-aq Qazaqstan Respýblıkasynyń zańnamasyna sáıkes aıyppul sanksııalaryn, salyqtardy jáne basqa da tólemderdi qoldaný úshin aılyq eseptik kórsetkish – 2917 teńge mólsherinde belgilenedi.

Bazalyq áleýmettik tólemderdiń mólsherlerin esepteý úshin eń tómen kúnkóris deńgeıiniń shamasy – 34 302 teńge bolyp bekitiledi.

Jasyna baılanysty zeınetaqy tólemderine jáne eńbek sińirgen jyldary úshin zeınetaqy tólemderine jumsalatyn qarajat 1 qańtardan bastap olardyń mólsherlerin 7 paıyzǵa kóterý eskerile otyryp kózdeledi.

Sondaı-aq 1 qańtardan áleýmettik medısınalyq saqtandyrý qoryna tóleýge jatatyn mindetti áleýmettik medısınalyq saqtandyrýǵa memleket jarnalarynyń mólsheri memleket jarnalaryn esepteý obektisinen 1,6 paıyz dep belgilenedi.

Budan bólek, áskerı qyzmetshilerge (merzimdi qyzmettegi áskerı qyzmetshilerden basqa) jáne arnaýly memlekettik jáne quqyq qorǵaý organdarynyń, memlekettik feldegerlik qyzmettiń qyzmetkerlerine turǵynjaıdy kútip-ustaýǵa jáne kommýnaldyq qyzmetterge aqy tóleýge aqshalaı ótemaqynyń aılyq mólsheri 3 739 teńge somasynda bolady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir