• USD 424.85

  • EUR 504.21

  • RUB 5.84

  • CNY 65.86

18 Qazan, 04:05:02
Almaty
+3°

Qytaı-Reseı birikken bombalaýshy ushaqary daýly teńizderdiń ústinen ushyp ótti. Bul týraly Business Insider basylymy habarlady. Kóp ótpeı Japonııa men Ońtústik Koreıa joıǵysh ushaqtaryn olarǵa qarsy jumyldyrǵany málim boldy.

Qytaı men Reseı áskerı qarym-qatynastaryn kúsheıtti. Eki alpaýyt el Tynyq muhıt keńistigine bombalaýshylar jiberip, qarýly qaqtyǵys úreıin kúsheıtti. 

Qytaıdyń H-6K bombalaýshylarynyń tórteýi jáne reseılik eki Tý-95 strategııalyq bombalaýshylary Shyǵys Qytaı teńizi men Japonııa teńizi ústinen ushyp ótken. Muny reseılik áskerıler rastady. Reseıdiń qorǵanys mınıstrligi bul áskerı operasııany Máskeý men Beıjiń arasyndaǵy qarym-qatynasty jaqsartý áreketi dep jarııalady.

Onda "Reseı men Qytaıdyń jan-jaqty seriktestigin damytý jáne tereńdetý, eki áskerı kúsh arasyndaǵy yntymaqtastyq deńgeıin odan ári arttyrý, olardyń birlesken is-qımyl qabiletterin keńeıtý jáne strategııalyq turaqtylyqty nyǵaıtý" kózdelgeni aıtylǵan.

Mınıstrlik patrýldik reıs "úshinshi elderge qarsy baǵyttalmaǵan" dep qosty.

Al, Reseı prezıdenti Vladımır Pýtın qazan aıynda Beıjiń-Máskeý áskerı seriktestigin joqqa shyǵarmaıtynyn málimdegen.

 

"Qamshy" silteıdi
Ilmek sózder: Qytaı Reseı AQSh

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir