23 Jeltoqsan, 2020 Ekonomıka
Zeınetaqy jınaǵynyń bir bóligin merziminen buryn sheshýge ruqsat berildi
Jınaqtyń bir bóligin turǵyn úı jaǵdaıyn jaqsartýǵa, em aqysyn tóleýge nemese jeke qarjy kompanııalarynyń basqarýyna berýge bolady.
Fotoda QR parlamentiniń májilisi tóraǵasy – Nurlan Nyǵmatýlın
Parlament ekonomıkalyq ósimdi qalpyna keltirý, zeınetaqy jınaqtaryn merziminen buryn alý týraly erejeni qamtıtyn zań jobasyn qabyldady. Bul týraly zakon.kz saıty habarlady.
Májilis depýtattary Senat engizgen birqatar túzetýlerdi maquldap, zań jobasyn qabyldady. Bul zań jobasynda zeınetaqy jınaqtaryn merziminen buryn alý týraly ereje de bar.
2021 jyldyń basynan bastap zeınetaqy qorynyń salymshylary jınaqtarynyń bir bóligin turǵyn úı satyp alý, emdelý nemese qarjy kompanııalarynyń basqarýyna berý úshin paıdalana alady.
Buǵan deıin, birqatar normany naqtylap, ishki qarama-qaıshylyqty joıý qajet bolǵandyqtan, zeınetaqy jınaǵyn merziminen buryn sheship alýǵa ruqsat etetin zań jobasyn senatorlar májiliske keri qaıtarǵan bolatyn. Senat spıkeri Máýlen Áshimbaev "Azamattardyń zeınetaqy jınaǵynyń bir bóligin baspana alýǵa jáne emdelýge jumsaýǵa quqyǵy belgilenedi. Osy zań jobasynda bilim granttaryna beriletin kvota da qarastyrylǵan. Zań qabyldanǵannan keıin el ıgiligine qyzmet etedi dep senemiz" degen bolatyn.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir