Ilon Mask Tesla-ny Apple kompanııasyna satpaq bolǵanyn jarııalady

Tesla kompanııasynyń negizin qalaýshy Ilon Mask Tesla-ny Apple kompanııasyna satpaq bolǵan. Biraq uıaly telefon shyǵaratyn alpaýyt fırmanyń bas dırektory Tım Kýk kezdesýden bas tartqan. 

Mask Tesla Model 3 elektromobılin jasaý kezinde qarjylyq qıyndyqtarǵa tap bolǵan Tesla-ny Apple-ge satý múmkindigin talqylaýdy josparlaǵanyn aıtty.

Sol kezde Tesla 60 mıllıard dollarǵa baǵalanǵan bolatyn, biraq qazir ol qunnan 10 ese asyp tústi.

"3-model baǵdarlamasynyń qıyn qystaý kúnderinde men Tım Kýkke Apple-diń Tesla-ny satyp alý múmkindigin talqylaý úshin habarlastym (qazirgi qunymyzdyń 1/10 bóligine). Ol kezdesýden bas tartty" dep jazdy Mask Twitter paraqshasynda.

Bir qyzyǵy, Reuters aqparatyna sáıkes, Apple kompanııasy 2024 jylǵa qaraı ózi basqarylatyn elektromobıl jasaýdy josparlap otyr.  "Bul Tesla kompanııasyna básekeles bolýy múmkin" deıdi sarapshylar.  Al, Masktyń Twitter-degi jazbasy Apple kompanııasynyń jańa jobasy týraly aqparat jarııalanǵan soń paıda boldy.