Aımaǵambetov BjǴ mınıstrliginiń keler jyldaǵy basty máselesin atady

Bilim jáne ǵylym mınıstrliginiń apparat jınalysynda mektepke deıingi, orta jáne tehnıkalyq jáne kásiptik bilim berý uıymdarynda memlekettik tildi damytý máseleleri qaraldy.

Vıse-mınıstr Sholpan Tańatqyzy balabaqshada qazaq tilinde bilim berý 33,1 paıyzǵa artqanyn, qazaqsha bilim alatyn oqýshylardyń 66 paıyzǵa jetkenin atap ótti.

Mınıstr Ashat Aımaǵambetov mektepte 11 jyl qazaq tili oqytylatynyna qaramastan keı oqýshylar tildi meńgermeı shyǵatyn jaǵdaı áli de bar ekenin aıtyp, mundaı máselelerdi sheshýge júıeli sharalar qoldanylý kerektigine nazar aýdardy.

Onyń sózinshe, Til komıtetiniń Bilim jáne ǵylym mınıstrligine berilýi qazaq tilin meńgerý máselesin bilim berý uıymdarynda kúsheıtý maqsatynan týyp otyr.

– Memleket basshysy Qasym-Jomart Kemeluly Toqaevtyń qazaq tili ultaralyq tilge aınalýǵa tıis degen tapsyrmasy bar. Muny balabaqsha men mektepterden bastaımyz. Til komıtetiniń Bilim jáne ǵylym mınıstrligine ótýi osy jumysty úılestirýge, júıeleýge baǵyttalǵan. Bilim berý uıymdarynda qazaq tilin úıretýge arnalǵan ádistemeni jetildirip, júıelep, máseleni sheshýimiz kerek. Bul keler jyldyń basty jumysy bolmaq, – dedi mınıstr.