Qaıyrymdylyǵymen belgili kólbaılyqtar

«Jetisý adaldyq alańy» jobasy aıasynda Almaty oblysy Alakól aýdany Kólbaı aýyldyq okrýginiń ákimi Erjan Shakerov baspasóz-máslıhaty ótkizdi.

Okrýgtiń negizgi ekonomıkalyq kórsetkishterin – aýyl sharýashylyq  salasy quraıdy. Bul salada 82 sharýa qojalyq jáne 2 JShS eńbek etedi.

2020 jyly sebilgen jer kólemi 7106 ga. Onyń ishinde: mal azyqtyq daqyldary (kópjyldyq shóp) – 500ga, súrlemdik júgeri – 640, dándi daqyl – 2425 ga, maıly daqyly – 3242 ga, baksha daqyly – 199 ga, qant qyzylshasy – 100 ga.  Qarataý JShS 740 ga jerge kúzdik bıdaı ekken.

Mal sharýashylyǵy boıynsha iri qara 3778 bas, sıyr 1644 bas, qoı-eshki 18087 bas, analyq – 9572 bas.  Jylqy – 1400 bas, bıe – 740 bas, qus – 4445 bas. 2020 jyl boıynsha  «Asyl» JShS 400 bas sútti baǵytta qoldan uryqtandyrý týraly kelisim shartqa otyryp, jumys tolyǵymen aıaqtalǵan. Elimizge kelgen sheteldik ınvestor Qytaıdyń CITIC kompanııasynyń demeýshiligimen  Kólbaı aýlynyń uzyndyǵy 1100 m bolatyn 3 kóshesine tas tógilip,  asfalt tóseý  jumystary  júrgizilgen.

Sonymen qatar, uzyndyǵy 6,5 shaqyrym bolatyn aryq sý kanaldary ınvestorlardyń alyp tehnıkalarynyń kómegimen tazalanyp retke keltirilgen.  Sondaı-aq, okrýgke qarasty  Budyr aýylyna baratyn uzyndyǵy 1200 m bolatyn jolǵa «Arharly-Maıbúırek» JShS demeýshiligimen aǵymdy jóndeý jumystary júrgizilgen.

2020 jyldyń naýryz aıynda elimizde engizilgen tótenshe jaǵdaıǵa baılanysty «Biz birgemiz» aksııasy aıasynda aýdan azamattarynyń demeýshiligimen áleýmettik jaǵdaılary tómen 40  otbasyǵa azyq-túlik sebetteri taratylsa, Kólbaı, Qyzylqaıyń aýyldary azamatarynyń uıymdastyrýymen  jalpy sommasy 850 myń teńgege  qaıyrymdylyq kómek  kórsetilip, 2 iri qara maly soıylyp kópbalaly, az qamtylǵan, múmkindigi shekteýli 50 otbasyǵa taratylǵan. Okrýgte qurylǵan  analar keńesi de 200 dana betperde tigip az qamtylǵan, kóp balaly, otbasylarǵa taratqan.

Sonymen qatar, Kólbaı, Qyzylqaıyń aýyldarynda ornalasqan FAP qyzmetkerlerine aýyldyń atqa miner azamattarynyń demeýshiligimen 2 dana adamnyń qyzyýyn ólsheıtin elektrondy teplovızor syıǵa tartylǵan.