Almaty oblysy Qaınar aýylynyń eriktileri 15 otbasyǵa azyq-túlik taratty

Almaty oblysy Talǵar aýdany Qaınar aýyldyq okrýginiń erikti jastary áleýmettiń áleýetin arttyrýǵa ózindik úles qosýda. Olar jaǵdaıy tómen 15 otbasyǵa azyq-túlik sebetterin tabystaǵan. Bul týraly «Jetisý adaldyq alańy» jobalyq keńsesi janyndaǵy «Adal kómek» jobasy aıasynda uıymdastyrylǵan baspasóz-maslıhatyna Qaınar aýyldyq okrýginiń ákimi Manatbek Rysbekov málim etti.

Qaınar aýylynda aýyl sharýashylyǵy salasy boıynsha 6445 gektar jer bar bolsa, onyń ishinde sýarmaly egistik jer 2587 gektar, shabyndyq jer 669 gektar, jaıylymdylyq jer 3094 gektar, basqa jerler 98 gektardy quraǵan.

Al, mal sharýashylyǵy salasy boıynsha barlyq iri-qara (buqa) 1156 bas, sıyr (analyq) 352 bas, qoı-eshki 2846 bas, analyqtary 1284 bas, jylqy 409 bas, 119 (analyq) bas bolsa, qustar sany 575-ke jetken.

Bilim berý salasy boıynsha Qaınar aýyldyq okrýginde shaǵyn orta mektebi jumys isteýde. Jalpy, oqýshylar sany 156 bolsa, mektepaldy daıarlyq synybynda 17 oqýshy, 25 bala bilim alýda.  Densaýlyq salasy boıynsha mamandar eńbek etýde.

Aýyldyń kórkin kirgizý maqsatynda abbattandyrý jumysy da jolǵa qoıylǵan. Aýyl ishinde aryqtardy tazalaý sondaı-aq, negizgi toǵandy tereńdetip qazdyrý jumystary júrgizilgen. Kóktemgi abattandyrý barysynda 24 túp qaraǵaı jáne 17 túp arsha aǵashtary otyrǵyzylǵan.