Almaty oblysynda «Smart volunteer baǵdarlamasy ázirlendi

Sıfrlyq tehnologııany qoldaný arqyly eldiń árbir azamatynyń ómir súrý deńgeıin jaqsartýǵa baǵyttalǵan «Sıfrlyq Qazaqstan» keshendi memlekettik baǵdarlamasy aıasynda Taldyqorǵan qalasynda kóptegen jobalar iske asýda. Olardyń biri «Aqyldy Taldyqorǵan»  jobasy.

Bul sizge úıden shyqpaı-aq, qajetti aqparatty alýǵa jáne kelesi baǵyttar boıynsha ótinishter jasaýǵa múmkindik beredi: qalalyq baǵyttar, densaýlyq saqtaý, bilim berý, kólik, kommersııalyq qyzmetter, týrızm, sondaı-aq Open Taldyqorgan atty ashyq ákimshilikke kezek alýǵa arnalǵan.

«109 qyzmeti»  jobasy —  apattyq emes ótinishter men turǵyn úı-kommýnaldyq sharýashylyq máseleleri boıynsha usynystardy qarastyrady.

«E-KSK» — arqyly oblys ortalyǵynyń turǵyndary elektrondy túrde turǵyn úıińizdi, shyǵyndar smetasyn, shaǵymdar men habarlandyrýlaryńyzdy qadaǵalaı alasyz.

«Smart volunteer» — eriktilerdiń bir-birimen, sonymen qatar kómekke muqtaj adamdarmen qarym-qatynasy yńǵaıly bolý úshin ázirlengen baǵdarlama.

«Fab-Lab» ınnovasııalyq zerthanasy — balalardy oqytýǵa qajetti quraldarmen jabdyqtalǵan. Bul joba  balalarǵa ıllıýstratıvti mysal arqyly, 3D  modelderdi qoldana otyryp bilim berýge baǵyttalǵan. Baǵdarlama arqasynda balalar  sporttyq robototehnıkany meńgere alady.

«Halyqtyń qatysý bıýdjet» — bul aqparattyq júıe jospar boıynsha 2021 jyldan bastap iske asyrylady.  Onyń basty maqsaty bıýdjettegi qarajatty tıimdi jumsaý jáne qalany abattandyrý boıynsha azamattardyń usynystaryn qarastyrýǵa arnalǵan.

Qazaqstan Respýblıkasynyń sıfrlyq damý jáne aeroǵarysh ónerkásibi mınıstrliginiń aqyldy qalalary reıtıngisi boıynsha 2020 jyldyń 1 jartyjyldyǵyna sáıkes Taldyqorǵan respýblıkanyń basqa qalalary arasynda 2 orynǵa ıe boldy.

«Osy jobalar jergilikti azamattardyń ýaqytyn ǵana únemdep qoımaı, sonymen qatar karantın talaptaryn tolyǵymen saqtaýǵa múmkindik beredi»,- deıdi  Taldyqorǵan qalasynyń aqparattaq-taldaý ortalyǵynyń dırektory  Janaıbek Bekbasov.