• USD 424.85

  • EUR 504.21

  • RUB 5.84

  • CNY 65.86

24 Qazan, 17:43:06
Almaty
+10°

Almaty oblysynda «BIRGEMIZ: BILIM» atty UBT-ǵa daıyndalýshy jas túlekterge volonterlik kómek kórsetý úshin arnalǵan halyqaralyq joba óz máresine jetti.

284 oqýshy UBT-ǵa daıyndalý barysynda qashyqtyqtan oqytylyp, 75 paıyzy bilim grantyna ıe boldy.

Joba aıasynda Olımpıadaǵa daıyndyq, ǵylymı jobalar jarysyna 50 jasóspirim qatysyp 28-i júldeger atandy. Belsendi qatysýshylar arasynda 60 smartfon, 30 smart rıýkzak jáne qulaqqaptar syıǵa tartyldy. Odan bólek, «Eń joǵary toptyq nátıje», «Alǵyr volonter», «Volonterlik joba»  nomınasııalarynyń jeńimpazdaryna aqshalaı syılyqtar berildi.

6 salada onlaın formattaǵy sabaqtar ótkizildi. Olar: «Quqyq saýattylyǵy», «Jemqorlyqpen kúresý negizderi» jáne «Áleýmettik jelimen tıimdi pıdalaný men ruqsattalǵan normalary», «Salaýatty ómir súrý negizderi», «Ǵalamtordyń múmkindikterin qoldaný arqyly kásiptik startap», «Robototehnıka».

Joba qorytyndysy boıynsha, mamyr aıynan qarasha aıyna deıin 75 volonter jalpy bilim berý pánderinen qosymsha sabaqtar ótkizdi. 8 PRO bono volonterleri 12 trenıng júrgizdi. Almaty oblysynyń Sybaılas jemqorlyqqa qarsy kúres agenttigimen birigip, balalarǵa arnalǵan Jemqorlyqpen kúresý jáne quqyqtyq saýat ashý atty jańa joba «ANTIKOR.INFO.KIDS» ashyldy.

Jalpy 1036 oqýshy osy jobaǵa belsendi qatysyp qosymsha aqparat pen bilim aldy. Jobanyń bıýdjeti 15 677 000 teńge, ony júzege asyrý merzimi naýryz aıynan qarasha aıyna deıin. Joba barysynda 8 memorandýmǵa qol qoıyldy. Al partnerlik qoldaý kórsetken uıymdardyń sany 20-ǵa jýyq.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir