Qaraqııa aýdanynda úgit-nasıhat jumystary

Úgit-nasıhat jumystary aıasynda 20 jeltoqsan kúni Qaraqııa aýdanynda eki shara uıymdastyryldy. Biri «Esikten esikke» aksııasy, ekinshisi kanvassıng. Aýdandyq máslıhat depýtatyna úmitkerler Darhan Qystaýbaev, Aıdana Bazylbekova aýdanǵa qarasty Senek, Qulandy, Bostan aýyly turǵyndarynyń úılerine bardy.

«Nur Otan» partııasy árbir jeke azamattyń ál-aýqatynyń ósýine yqpal etetin ekonomıkany qurý mindetin alǵa qoıady. Aýdanda 2 iri logıstıkalyq baılanys toraby bar. Atap aıtsaq, qarqyndy damyp kele jatqan «Quryq» teńiz porty men Túrikmenstan Respýblıkasymen shekaralas aımaqta ornalasqan «Bolashaq» temirjol stansasy. Halyqtyń tabysyn arttyrý maqsatynda partııa shekaranyń ornalasý áleýetin jáne Qaraqııa aımaǵyndaǵy ónerkásiptik óndiristiń artyqshylyqtaryn paıdalanady. 

Partııa Quryq aýylynda saqtaý kólemi 3,9 mln tonna, 500 adamdy jumyspen qamtýǵa bolatyn teńizdik operasııalardy qoldaý bazasyn salýǵa, 2021 jyly 300 adam qyzmet etetin «Jeńis» kenornynda barlaý jumystaryn bastaý, 5 myń bas múıizdi iri qara malyn ýaqytsha saqtaıtyn karantındik aımaqty iske qosý, «Sarja» kóp salaly logıstıkalyq ortalyǵynyń (qoıma ǵımaraty) qurylysyn salýǵa yqpal etetin bolady. Bul sharalar 5 jyl ishinde júzege aspaq.

Karantındik sharalar kezinde partııa tarapynan aýdan halqyna kómekter kórsetildi. Elbasynyń bastamasymen ótken «Biz Birgemiz» aksııasy aıasynda «Nur Otan» partııasynyń músheleri men eriktiler 470 astam otbasyǵa azyq-túlik jıyntyqtyryn jetkizdi, 1 089 muqtaj adam árqaısysyna 50 myń teńgeden aldy. 

Úmitkerler is-shara barysynda bul josparly jumystardyń barlyǵyn halyqqa jetkizip, tolyq tanystyrdy. Únparaqtar taratyp, 10 qańtar kúni saılaýǵa qatysýǵa shaqyrdy. Aýdan boıynsha barlyq salany ilgeriletý basty maqsatqa qoıylǵanyn atap ótip, bul isterdiń júzege asýyna el halqy sebepshi bolatynyn jetkizdi.

Turǵyndar tarapynan bilim berý, densaýlyq saqtaý, áleýmettik qamsyzdandyrý salalaryna qatysty suraqtar qoıyldy. Úmitker ler azamattardyń ál-aýqaty aımaqtyń turaqty áleýmettik-ekonomıkalyq damýynyń kórsetkishi ekenin atap ótip, partııa bilim berý, densaýlyq saqtaý jáne áleýmettik salada sapaly qyzmet kórsetý arqyly halyqtyń ómir súrý jaǵdaıyn jaqsartýǵa jumystanyp  jatqanyn atap ótti. «Nur Otan» partııasyn qoldap daýys berýge, jarqyn bolashaqqa birge qadam basýǵa shaqyrdy.

Nur Otan partııasy Mańǵystaý oblysy Qaraqııa aýdanynyń Saılaý qory qarajaty esebinen tólendi