21 Jeltoqsan, 2020 Barlyq aımaqtar
2020 jyly qaıtys bolǵan belgili tulǵalar
О́tip bara jatqan 2020 jyl adamzat úshin ońaı jyl bolǵan joq. Koronavırýs pandemııasy saldarynan kóp elderdiń ekonomıkasy turalap, bıznes daǵdarysqa ushyrady. Turǵyndar turmysy tómendedi. Eń aýyry koronavırýs álem boıynsha 1,69 mln adamnyń ómirin qıdy. Qazaqstanda da koronavırýstan jáne basqa da sebeppen dúnıeden ótkender bıyl az bolmady.
Foto: Fotokollaj
2020 jyly dúnıeni ozǵan belgili azamattar.
Dýlat Aǵadil (16.02.1977-25.02.2020jj)
2020 jyldyń 25 aqpanynda qoǵam belsendisi Dýlat Aǵadil 43 jasynda Nur-Sultandaǵy tergeý ızolıatorynda qaıtys boldy. Resmı derekke saı ol júrek talmasynan kóz jumǵan.
Beısen Quranbek (06.12.1977-18.05.2020jj)
2020 jyldyń 18 mamyrynda tanymal telejúrgizýshi, "Jetisý" telearnasynyń dırektory Beısen Quranbek qaterli isikten qaıtys boldy. Qyrqy bolatyn kúni marqumnyń anasy, al 24 qyrkúıekte ákesi dúnıe saldy.
Qýandyq Shamahaıuly (01.01.1961-29.06.2020jj)
2020 jyldyń 29 maýsymynda belgili jazýshy, jýrnalıst Qýandyq Shamahaıuly aýrýhanada qaıtys boldy. 23 maýsym kúni koronavırýs degen kúdikpen aýrýhanaǵa jatqyzylǵan jazýshyǵa «aýyr dárejedegi ekijaqty polısegmentaldy pnevmonııa» degen dıagnoz qoıylǵan.
Ábdýǵappar Smanov (22.02.1970-01.07.2020jj)
2020 jyldyń 1 shildesinde ıslam dininiń tanymal ýaǵyzshysy, "Saryaǵash" medrese kolledjniń dırektory Abdýǵappar Smanov pnevmonııadan qaıtys boldy. 5 shilde kúni marqumnyń týǵan aǵasy Ábdijappar Shákirulynyń uly Zakarııa Smanov ómirden ozdy.
Murat Muqashev (07.09.1968-05.07.2020jj)
2020 jyldyń 5 shildesinde Qazaqstandyq tanymal akter jáne kaskader Murat Muqashev pnevmonııadan qaıtys boldy.
Berik Ysmaıylov (15.03.1962-07.07.2020jj)
2020 jyldyń 7 shildesinde belgili kıim dızaıner, modeler-konstrýktor, halyqaralyq dızaınerler qaýymdastyǵynyń múshesi, "Berik Ysmaıylov" avtorlyq sán salonynyń dırektory Berik Ysmaılov koronavırýstan qaıtys boldy.
Darhan Daıyrbek (01.01.1969-08.07.2020jj)
2020 jyldyń 8 shildesinde teatr jáne kıno akteri, "Terisqaqpaı" ázil-syqaq teatrynyń ártisi Darhan Daıyrbek koronavırýstan qaıtys boldy.
Keńes Dúısekeev (10.02.1946-09.07.2020jj)
2020 jyldyń 9 shildesinde Qazaqstannyń eńbek sińirgen óner qaıratkeri, kompozıtor Keńes Dúısekeev qaıtys boldy.
Jaqsylyq Úshkempirov (06.05.1951-02.08.2020)
2020 jyldyń 2 tamyzynda Qazaqstannyń grek-rım kúresinen tuńǵysh Olımpıada chempıony, Álem chempıony, Qazaqstannyń Eńbek eri, "Barys", "Qurmet", "Parasat" ordenderiniń ıegeri Jaqsylyq Úshkempirov qaıtys boldy.
Aısultan Rahat (26.08.1990-16.08.2020jj)
2020 jyldyń 16 tamyzǵa qaraǵan túni London qalasynda Qazaqstannyń eks-prezıdenti Nursultan Nazarbaevtyń jıeni Aısultan Rahat qaıtys boldy.
Janbolat Aǵadil (06.12.2002-10.11.2020jj)
2020 jyldyń 10 qarashasynda azamattyq belsendi marqum Dýlat Aǵadildiń uly Janbolat Aǵadil 17 jasynda pyshaq jaraqatynan qaıtys boldy.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir