• USD 468.56

  • EUR 497.56

  • RUB 7.3

  • CNY 67.18

19 Naýryz, 15:13:35
Almaty
+35°

QR Eńbek jáne halyqty áleýmettik qorǵaý mınıstrligi messendjerler men áleýmettik jelilerde taratylyp jatqan "2021 jyldan bastap zeınetkerlik jasy tómendeıdi. Úkimge resmı túrde qol qoıyldy" degen aqparat shyndyqqa janaspaıtynyn habarlady.

Qoldanystaǵy zańnamaǵa sáıkes erler úshin zeınetkerlik jas – 63 jas, áıelder úshin búgingi tańda – 59,5 jas, odan ári 2027 jylǵa qaraı 63 jasqa deıin birtindep artady.

"Elde 2018-2027 jyldar aralyǵynda áıelder úshin zeınetke shyǵý jasyn jyl saıyn 6 aıǵa birtindep arttyrý kózdelgen. Bul rette qazirgi ýaqytta zeınetkerlikke erte shyǵý boıynsha jeńildikterge quqyǵy bar áıelderge zeınetaqy jasyn kóterýdiń qatysy joq. 5 jáne odan da kóp bala týǵan (asyrap alǵan) jáne olardy segiz jasqa deıin tárbıelegen áıelderge – 53 jasta, Semeı ıadrolyq synaq polıgonynyń tótenshe jáne eń joǵary radıasııalyq qater aımaqtarynda 1949 jylǵy 29 tamyz ben 1963 jylǵy 5 shilde aralyǵyndaǵy kezeńde keminde 5 jyl turǵan áıelder – 45 jasta zeınetke shyǵady. Azamattardan jalǵan aqparatqa nazar aýdarmaýdy jáne aqparatty tek resmı kózderden ǵana alýdy suraımyz. Jalǵan aqparatty taratý zań boıynsha jazalanatynyn eske salamyz" delingen mınıstrlik málimdemesinde.

 

 

"Qamshy" silteıdi
Ilmek sózder: feık

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir