Saýl Alvares kezekti qarsylasyn aıqyn basymdyqpen jeńdi (vıdeo)

AQSh-tyń San-Antonıo qalasyndaǵy Alamodome arenasynda ótken boks keshinde meksıkalyq Saýl Alvares qarsylasy brıtanııalyq Kallým Smıtti jeńdi, dep habarlady sports.kz.

12 raýndqa jalǵasqan jekpe-jekte qazylardyń biraýyz sheshimimen )119-109, 119-109 jáne 117-111) Saýl Alvares jeńimpaz dep tanyldy. Osylaısha, Alvares kásibı mansabyndaǵy  54-jekpe-jegin jeńispen aıaqtap, sýperorta salmaqtaǵy WBA Super tujyrymynyń chempıondyq tıtýlyn, WBC tujyrymynyń jáne The Ring jýrnalynyń arnaıy tıtýlyn ıelendi.

Meksıkalyq boksshy buǵan deıin qazaqstandyq Gennadıı Golovkınmen eki márte qolǵap túıistirgen. Alǵashqy kezdesý teń aıaqtalyp, ekinshisinde tóreshiler sheshimimen jeńis Alvareske berilgen. Alaıda eki kezdesý nátıjesi de daý týdyrǵan.

Boksshylar úshinshi márte sharshy alańda kezdesý ótkizý úshin birneshe márte kelissóz ótkizgen. Alaıda ázirge kelisimge qol jetkizilgen joq.

Alvares brıtanııalyq boksshyny jeńgennen keıin Golovkınmen bokstasýǵa qarsy emestigin jetkizdi. 19 jeltoqsanda polshalyq boksshy Kamıl Sheremetany utyp, orta salmaqtaǵy IBF jáne IBO tujyrymdary boıynsha álem chempıony ataǵyn qorǵap qalǵan qazaqstandyq sportshy da Alvares-Smıt kezdesýiniń jeńimpazymen aıqasqysy keletinin aıtqan.

 

 

 

Posmotret etý pýblıkasııý v Instagram

 

 

 

Pýblıkasııa ot SPORTS.KZ (@kzsports)