• USD 468.56

  • EUR 497.56

  • RUB 7.3

  • CNY 67.18

29 Naýryz, 18:46:11
Almaty
+35°

Foto: aikyn.kz

Nursultan – qatardaǵy oqýshynyń biri. Aǵasy esimin elimizdiń tuńǵysh prezıdenti sekildi elge qalaýly, ultqa eńbegi sińetin azamat bolsyn degen nıetpen qoıǵan. Barlyǵy sekildi bizdiń keıipkerimiz de mektep tabaldyryǵyn attap, sol jerde 11 jyl bilim alǵan. Dál osy kezeńde onyń ómirindegi eń basty suraqtardyń biri paıda boldy: "Men kim bolamyn? Qaıda baramyn?".

Batys elderi tájirıbesinde "Gap year" túsinigi bar. Iаǵnı, ózińdi tanýǵa beriletin seniń ýaqytyń. Jalpy orta bilim beretin mektepti bitirgennen keıingi ýaqyt. Bizde mektep bitirgennen keıin joǵary oqý ornyna túsý kerek degen túsinik bar. Al ózińdi tabý, ishki "MEN"-men tildesý jáne ony túsiný ońaılyqpen kelmeıdi. Sol úshin joǵary oqýǵa túskenimen ýnıversıtetti bitirmeı tastap ketetinder sany aıtarlyqtaı kóp.

Nursultan "Q.Jubanov atyndaǵy Aqtóbe óńirlik ýnıversıtetine" taý-ken isi mamandyǵyna oqýǵa tústi. Bul mamandyqqa ol arman jetegine erip, aldaǵy ómirine maqsat qoıý arqyly túsken joq. Sol sebepti oqýdy aıaqtaǵan soń, dál osy salada qyzmet etýge daıyn bolmady. Solaı keıipkerimiz resmı túrde jumyssyzdar qataryna qosyldy.

Jumys – amaldyń joqtyǵynan kúnkóris úshin baryp keletin jer emes. Ol jan dúnıeńe lázzat syılap, seni ózińdi qoǵamnyń qajet bólshegi sanaýyńa jeteleý kerek. Al, Nursultan sol mekendi taba almady. Ol ózin damytý maqsatynda dostarymen Qytaı Halyq Respýblıkasyna attandy. Biraq shyǵys eli de qatty qyzyqtyra qoımaǵan sekildi. Jarty jylda ol jaqtan da qaıtyp keldi. Mamyr aıyna deıin sol qalypta únsizdikke bet burdy. 

Adamnyń ómirindegi eń úlken ókinishi – zaıa ketken ýaqyty, ózińe ne keregin bilmeý, ózińdi tanymaý nemese... Bul tizim taýsylmaıdy. Árkim úshin árqalaı. Árkimniń múmkindigi de ártúrli. Mamyr aıynyń jaıma shýaq kúnderiniń birinde Nursultanǵa óz kúshin synap kórý týraly oı keldi. Sol maqsatta "Zhas project" jobasyna qatysýǵa bel býdy. Nátıjesinde jeńip shyǵyp, óz komandasymen az qamtylǵan balalarǵa alty aı boıy aǵylshyn tilin úıretti. Bul kezeń onyń esinen múlde ketpeıdi. Kishkene búldirshinderge kómek berý arqyly qoǵamnyń qanshalyqty bir-birimen tyǵyz baılanysta ekenin uǵyna bastady. О́miriniń dál osy kezeńi Nursultannyń bolashaǵyna baǵyt - baǵdar berdi.

Bolashaqty Nursultan mamandyǵy boıynsha jumyspen baılanystyrdy. Al ol dıplommen qaıda barýǵa bolady? Kim seni "ıá, kele ǵoı, men seni uzaq kúttim"   dep esigin aıqara ashyp otyrady?

Qýanyshqa oraı, "Q.Jubanov atyndaǵy Aqtóbe óńirlik ýnıversıtetiniń" taý-ken isi mamandyǵyn bitirgen stýdentterdi esigin ashyp kútip otyratyndar bar eken. Ol týraly  ýnıversıtettiń metallýrgııa, taý-ken ján munaı-gaz isi kafedrasynyń dosenti, tehnıka ǵylymdarynyń kandıdaty Kelamanov Baýyrjan Satybaldyuly:

Bizdiń kafedra men "QAZHROM" TUK" AQ arasynda bes jyl saıyn jańaryp otyratyn kelisim bar. Bakalavr men magıstratýrada oqıtyn stýdentterimiz kásiptik tájirıbeden óte alady. Odan bólek, 2000 jyldan beri úzdik oqıtyn metallýrg mamandyǵynyń úsh stýdentine kásiporyn arnaıy shákirtaqy taǵaıyndap kele jatyr. Ýnıversıtetimizde kásiporyn jumysshylary arnaıy sheberlik leksııalaryn oqıdy, birigip saıt-jýrnaldarǵa maqalalar jazady. Zertteý jumystarymen aınalysatyn ǵylym jolyndaǵy stýdentterge arnaıy ózderiniń quraldaryna ruqsat bergen. Oqýdy bitirip dıplom alǵannan keıin úsh aıdyń ishinde barǵan kafedra túlekterin mindetti túrde jumysqa qabyldaıdy. Ortasha eseppen bizdiń túlekterimizdiń 70-80 paıyzy kásiporynǵa jumysqa ornalasady, – deıdi.  

"QAZHROM" TUK" AQ korporatıvtik kommýnıkasııa bóliminiń basshysy Mashkarına Vıktorııa Iýrevnanyń deregine sáıkes kásiporyn ýnıversıtet stýdentteriniń tájirıbeden ótýine, dýaldy oqytý júıesiniń elementterin engizýge jaǵdaı jasaıdy. Qazirgi tańda Aqtóbe  ferroqorytpa zaýytynda 35 jasqa deıingi 2086 adam (49%), Dóń taý-ken baıytý kombınatynda 35 jasqa deıingi 3360 (46%) jastar qyzmet atqarýda.

Nursultan da osy jastardyń qataryna qosylyp, Aqtóbe ferroqorytpa zaýytynyń kelisimsharttardy qoldaý bólimine jumysqa turdy. Áriptesterimen tez til tabysýǵa "Jastar keńesi" qoldaý bildirip, sol qurammen tómendegideı baǵyttar boıynsha qosymsha jumystar isteýde:

  • Kompanııadaǵy jas mamandardy kásibı beıimdeý, ǵylymı-tehnıkalyq jumystarǵa tartý boıynsha jumys;
  • Jumysshylardyń biliktiligin arttyrýǵa kómek;
  • Jas mamandardyń quqyqtaryn qorǵaý, basqa ujymdardaǵy áriptesterimen shyǵarmashylyq baılanystardy damytý, ǵylym men tehnologııa týraly bilimdi, jastar arasynda salaýatty ómir saltyn, korporatıvti qundylyqtardy nasıhattaý.

Eń bastysy oǵan aınalysatyn isi unaıdy! Soǵan qaraǵanda dál osy mamandyqqa Nursultan shatasyp kelmegen sekildi.

Psıholog Seıtova Gúljanat Jeksenqyzy mamandyq tańdaýda ata-ananyń yqpaly basymyraq ekenin aıtady.

"Kásibı baǵyt baǵdar berý barysynda oqýshy mamandyqtyń qoǵamdaǵy dárejesine kóp kóńil bóletinin baıqaımyn. Jeke kózqarastaryn bildiretin oqýshylar az deýge bolady.  Oqýǵa túspegen jaǵdaıda kóbine ókinish, ózin kinálaý basym bolyp ketedi", -deıdi  psıholog maman.

Kásipkerlerge qajettilik kóp bolýy múmkin. Biraq, bul memleketke ustaz nemese bıshi kerek emes degendi bildirmeıdi. Bir-birimen tyǵyz baılanysqan qoǵamnyń qajet emes múshesi joq. Asyqpaı anyq basyp, ketigin taýyp qalanǵan durys. Bárimizde oryn bar.

 

"Qamshy" silteıdi
Ilmek sózder: Jumyssyzdyq

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir