Shyǵys Qazaqstanda Táýelsizdik kúni qarsańynda 11 áleýmettik mańyzy bar nysan ashylyp, 744 otbasyǵa jańa páterler men úılerdiń kiltteri tabystaldy.


ShQO ákimi Danıal Ahmetov shyǵysqazaqstandyqtardy Uly merekemen quttyqtap, elimizdiń Tuńǵysh Prezıdenti Nursultan Nazarbaevtyń egemen memlekettiń qalyptasýy men Qazaqstannyń jetistikterindegi rólin atap ótti.


-Táýelsizdik jyldarynda Qazaqstan memlekettiligin nyǵaıtýda, áleýmettik – ekonomıkalyq damýda aıtarlyqtaı jetistikterge qol jetkizdi, - dep atap ótti Danıal Ahmetov. - Tuńǵysh Prezıdent Nursultan Nazarbaevtyń dana kóregen saıasatynyń jáne barsha qazaqstandyqtardyń yntymaqty eńbeginiń arqasynda elimizde jalpyulttyq ıdeıanyń mańyzdy quramdas bóligine, qoǵamdaǵy kelisimniń negizine aınalǵan keń aýqymdy reformalar men qaıta qurýlar tabysty júzege asyryldy. Qazirgi Qazaqstan - beıbitshilik aýmaǵy, ulttyq birliktiń jáne Otanymyzdyń búgini men bolashaǵy úshin ortaq jaýapkershiliktiń sımvoly.


Táýelsizdik kúni qarsańynda Shyǵys Qazaqstanda áleýmettik mańyzy bar nysandar ashyldy, al oblys turǵyndary jańa qonys toıyn toılady.


Eki jyl buryn Glýbokoe kentinde esep berý kezdesýleriniń birinde turǵyndar aýdandaǵy mádenı mekemeniń joqtyǵyna shaǵymdanǵan edi. О́tinish nazarǵa alynyp, Koronavırýstyq pandemııaǵa baılanysty engizilgen qatań shekteýlerge qaramastan, Táýelsizdik kúni qarsańynda jańa Mádenıet úıi aýdan turǵyndaryna esigin aıqara ashty.


Sonymen qatar, Glýbokoe kentiniń kópbalaly analary aýmaǵy oıyn alańy, kógaldar men gúlzarlar, avtoturaq jáne joldarmen jabdyqtalǵan jańa úıden páter kiltterin aldy. Jańa qonys ıeleri Táýelsizdik kúnine oraı eń qajetti syılyqty alǵandaryn atap ótti.


Aıagóz aýdanynda 120 otbasy "Nurly jer" baǵdarlamasy aıasynda salynǵan 60 páterli eki úıdiń jańa qonystanýshylary boldy. Aıagóz aýdanynyń taǵy 20 kópbalaly otbasy bir qabatty úılerdiń kiltterin aldy.


Tarbaǵataı aýdanynyń turǵyndary mereke qarsańynda eki páterli 11 úıge qonystanýǵa múmkindik aldy. Besqaraǵaı aýdanynyń taǵy 10 otbasyna eki páterli 5 úıdiń kilti tabys etildi. Kýrchatovta jetim jáne ata-anasynyń qamqorlyǵynsyz qalǵan 6 balaǵa páter berildi. Sondaı-aq, atalǵan úıdegi páter kiltterin Kýrchatovtyń 7 turǵyny aldy, olardyń úıleri apatty dep tanyldy jáne bir kóp balaly otbasy aldy. Sonymen qatar, mereke qarsańynda Semeı men Úrjar aýdanynda kópbalaly otbasylar jańa páterlerge qonystandy.
Táýelsizdik kúnine oraı Tarbaǵataı aýdany Aqjar aýylynda kúrdeli jóndeýden keıin Abaı atyndaǵy mektep ashyldy. Tarbaǵataı jastar resýrstyq ortalyǵynyń janynan kovorkıng ortalyǵy ashyldy. Sonymen qatar, aýdandaǵy Aqmektep aýylynda turǵyndardy aýyz sýmen qamtamasyz etý Modýli iske qosyldy. Jarma aýdanynyń Qapaı jáne Arshaly aýyldarynda merekege oraı sý qubyrlary júrgizildi. Aǵymdaǵy jóndeýden keıin Katonqaraǵaı aýdanynyń Aqqaınar aýylynda aýyldyq klýb, sondaı-aq О́rel aýylynda kitaphana ashyldy.
Oblys ortalyǵynda ataýly kún qarsańynda oqýshylar arasynda shaıbaly hokkeıden "Juldyzsha" qalalyq týrnıri ótkizildi, al "Samal" saıabaǵynda, "Altaı" stadıonynda, Komsomolskıı aralynda jáne etnoparkte konkımen syrǵanaý úshin muz alańdary ashyldy. Sonymen qatar, "Sáýlet 2020" jas sáýletshiler forýmy ótti.
Oblystyń barlyq qalalary men aýdandarynda onlaın formatta merekelik konsertter ótti. Sonymen qatar, Shyǵys Qazaqstannyń damýyna qosqan úlesi úshin belsendi azamattar marapattaldy. Respýblıkanyń Táýelsizdik kúni týraly baıandaıtyn biryńǵaı synyp saǵattary, ǵylymı zııaly qaýym, quqyq qorǵaý organdarynyń qatysýymen "Beıbitshilik jáne jasampazdyq jyldary" onlaın-konferensııasy, qaıyrymdylyq aksııalary, kitap kórmeleri, mánerlep oqý konkýrstary ótti.
Sonymen qatar, oblys turǵyndary " Meniń Týym. Meniń Otanym!» aksııasyna qatysty. Osylaısha, Shyǵys Qazaqstanda 383 Memlekettik Tý, 317 jalaýsha jáne Tý beınelengen 35 banner ilindi.

Ilmek sózder: shqo

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir