• USD 424.85

  • EUR 504.21

  • RUB 5.84

  • CNY 65.86

27 Qarasha, 14:49:52
Almaty

2020 jylǵy 16 jeltoqsanda Almaty qalasy Táýelsizdik monýmentiniń jáne Jeltoqsan qurbandaryna arnalǵan eskertkishtiń aldynda úsh júzge tarta adam jınaldy. Alańǵa kelgender 1986 jylǵy Jeltoqsan kóterilisi men 2011 jylǵa Jańaózendegi munaıshylar narazylyǵy qurbandaryn eske alyp, artynsha narazylyq aksııasyn ótkizdi.

Jınalǵandar aldymen qurbandarǵa quran baǵyshtap, gúl shoqtaryn qoıdy. Artynsha kezek-kezek sóz sóz alyp, talaptaryn jetkizdi. Tirkelmegen "Demokratııalyq partııa" jetekshisi Janbolat Mamaı  "búgin toı toılaıtyn kún emes, qasiretti kún" ekenin aıtty.

– Jeltoqsan men Jańaózen bozdaqtaryn eske alýǵa kelgenderińizge raqmet. Táýelsizdik qanmen kelgen. Táýelsizdik aspannan salbyrap túsken joq,  ony Nazarbaev alyp kelgen joq.  Ol kerisinshe táýelsizdikti jarııalamaı qashyp júrdi. Qazaqstandy eń sońǵy memleket etip moıyndatty. Osy jerde jeltoqsanshy aǵa-ápkelerimiz bar, bárine raqmet. Biraq sol jeltoqsanshylardyń arasynda bıliktiń soıylyn soǵyp júrgender de bar, –dedi Mamaı. 

Alańda "Dempartııamen" qatar ózderin "jeltoqsanshylarmyz" dep tanystyrǵandar jáne "Oyan Qazaqstan" qozǵalysynyń belsendileri de boldy. Qoldaryna tý alyp shyqqandardy arnaıy jasaq qorshap turdy.

Jınalǵandar "VYVORY 2021", "Qazir bolmasa qashan?", "1986 Umytylmas 2011", "Taǵy qansha urpaq júıe qurbany bolady?", "Nursultan, Otanymdy jeme" sekildi urandar jazylǵan plakat ustap shyqty.

Táýelsizdik alańyna jınalǵandarǵa quzyrly organ ókilderi aksııanyń "ruqsat etilmegenin" eskertip taraýlaryn surady. Jınalǵan top ruqsat suramaıtynyn, tek eskertetinin málimdedi. Arnaıy jasaq 300-ge tarta adamnyń eshqaısysyn ustamady. Saǵat 15:00-den keıin jınalǵan top taraı bastady.

"Qamshy" silteıdi
Ilmek sózder: almaty 16 jeltoqsan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir