«Nur Otan» partııasynyń Respýblıkalyq saılaýaldy shtaby Túrkistan oblysyna keldi. 60-qa jýyq partııa belsendisi, qoǵamdyq pikir kóshbasshylary men partııalyq tizimderdegi kandıdattar óńir aýmaǵynyń jartysynan astamyn qamtı otyryp, birneshe kezdesý ótkizdi. Onyń ishinde agrarshylarmen, muǵalimdermen, dárigerlermen, erekshe qajettilikteri bar adamdarmen jáne basqa da azamattarmen júzdesti.

Baýyrjan Baıbek

Kópbalaly analarmen kezdesý barysynda áıelderdi áleýmettik qoldaý sharalary talqylandy. Nurotandyqtar basqosýda kóterilgen máselelerdi tyńdap, baqylaýǵa aldy.

«Bizdiń saılaýaldy baǵdarlamamyzda áıelderdiń jan-jaqty damýyna jaǵdaı jasaýǵa, turmystyq zorlyq-zombylyqtyń jolyn kesýge, sondaı-aq ana men balany qorǵaýǵa basa mán berilgen. Bul úshin búkil el kóleminde Otbasyn qoldaý jáne áıelder kásipkerligin damytý ortalyqtary jelisi qurylady. Qıyn jaǵdaıǵa tap bolǵan otbasylarǵa ataýly kómek kórsetý kúsheıtilip, jyl saıyn EKO jasaýǵa 7 myń kvota bólinedi», - dep atap ótti Respýblıkalyq saılaýaldy shtab jetekshisi Baýyrjan Baıbek.

Kentaý qalasynda turǵyndarmen kezdesýde aýyldardy gazdandyrý, aýyz sýǵa qoljetimdilikti qamtamasyz etý, áleýmettik nysandar salý jáne jańa jumys oryndaryn ashý máseleleri kóterildi.

Partııalyqtardyń aıtýynsha, azamattardy tolǵandyryp júrgen kóptegen máseleler «Nur Otan»-nyń saılaýaldy ýádelerinde kórinis tapqan.

Atap aıtqanda, partııa óńirlerde 50 jańa ónerkásiptik kásiporyn quryp, 125 myń jumys ornyn ashýǵa jaǵdaı jasaıdy. Úsh aýysymdy jáne apatty mektepterdi joıý úshin 12 jańa mektep salynady, sondaı-aq aýyl turǵyndary úshin 14 jańa aýrýhana men emhana qurylysy júrgiziledi. 60-tan astam eldi mekenniń 150 myńnan astam turǵynynyń aýyz sýǵa qoljetimdiligi qamtamasyz etilip, 200 myńdaı turǵyny bar 90-nan astam aýyl gazdandyrylady jáne t.b.

Sonymen qatar, Túrkistan oblysynyń zııalylarymen kezdesýde memlekettik til men ulttyq mádenıetti ary qaraı damytý jaıy áńgime arqaýyna aınaldy.

Aqsaqaldardyń suraqtaryna jaýap bere otyryp, bıleýshi partııa Tóraǵasynyń birinshi orynbasary Nur Otan jerdiń sheteldikterge satylýyna jol bermeıtinin basa aıtty. Sonymen qatar, partııa qazaq tilinde bilim beretin mektepter men balabaqshalardy kóbeıtýge, memlekettik tildiń barlyq salada qoldanylýyn keńeıtýge yqpal etpek. Sondaı-aq dástúrli mádenıet pen ulttyq sport túrlerine qoldaý kórsetýdi jalǵastyra beredi.

Erteń quramy qoǵamdyq pikir kóshbasshylary, partııa belsendileri jáne partııalyq tizimderdegi kandıdattardan quralǵan 400-ge jýyq adam kiretin «Nur Otan»-nyń Respýblıkalyq saılaýaldy shtaby Shymkent qalasyna barady.

216 óńirlik saılaýaldy shtab jumysyna elimizdiń 7 myńdaı belgili de bedeldi azamattary jumyldyrylǵan. Olardyń qatarynda praımerız jeńimpazdary, qoǵam qaıratkerleri, qyzmettegi depýtattar jáne taǵy basqa belgili azamattar bar. Onlaın-tehnologııalardy eskersek, jalpy is-sharalar keminde 9 mıllıonnan astam qazaqstandyqty qamtıdy.

«Nur Otan» partııasynyń saılaý qory qarajaty esebinen tólendi

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir