Saıt málimetinshe, Amerıka qurama shtattarynyń prezıdenti Donald Tramp Qazaqstannyń táýelsizdik kúnine oraı memleket basshysy Qasym-Jomart Toqaevtyń atyna quttyqtaý jedelhatyn joldaǵan.
Jedelhatta Donald Tramp Qasym-Jomart Toqaevty jáne barsha qazaq halqyn el táýelsizdiginiń 29 jyldyǵymen shyn júrekten quttyqtaı otyryp, Qazaqstannyń Ortalyq Azııadaǵy beıbitshilik pen turaqtylyqty saqtaý jáne órkendeý jolynda otyz jylǵa jýyq ýaqyt kósh bastap kele jatqanyn prezıdentpen birge atap ótýge qýanyshty ekenin jetkizgen.
"Bıylǵy jyl buǵan deıin buryn-sońdy bolmaǵan jahandyq synaqtardy aldymyzǵa tosty. Biraq bizdiń seriktestigimiz bul synaqqa tótep berdi. Keńeıtilgen strategııalyq seriktestigimizdiń sheńberinde biz COVID-19 pandemııasymen kúrestegi yntymaqtastyǵymyzdyń barlyq baǵyttarynda oń nátıjege qol jetkizdik. Amerıka halqynyń atynan Qazaqstan halqyna aldaǵy jyly densaýlyq pen baq-bereke tileımin" delingen AQSh prezıdentiniń jedelhatynda.
Pikir qaldyrý
pikir