• USD 424.85

  • EUR 504.21

  • RUB 5.84

  • CNY 65.86

18 Qazan, 05:01:59
Almaty
+3°

14 Jeltoqsan, 2020 Barlyq aımaqtar

Jaýyngerdiń súıegi týǵan jerge 80 jyldan keıin jetkizildi

Ekinshi dúnıejúzilik soǵysta qaza tapqan jaýyngerdi jınalǵandar bir mınýt únsizdikpen eske alǵan soń, aımaq basshysy Mahambet Dosmuhambetov sóz sóıledi.  

Foto: Atyraý oblysynyń kommýnıkasııa qyzmeti

Ekinshi dúnıejúzlik soǵysta qaza tapqan jaýynger Saparǵalı Erbatyrulynyń súıegi týǵan jeri Atyraýǵa 80 jyldan keıin jetkizildi, dep habarlaıdy Qamshy.kz aqparat agenttigi Atyraý oblysynyń kommýnıkasııa qyzmetine silteme jasap. 
 
"Jeńis" saıabaǵynda ótken marqumdy aqtyq saparǵa shyǵaryp salý rásimine Atyraý oblysynyń ákimi Mahambet Dosmuhambetov qatysty.
 
Ekinshi dúnıejúzilik soǵysta qaza tapqan jaýyngerdi jınalǵandar bir mınýt únsizdikpen eske alǵan soń, aımaq basshysy Mahambet Dosmuhambetov sóz sóıledi.
 
– Búgin júrekti eljireter erekshe kún. Týǵan topyraqqa taǵy bir uly oraldy. Bul egemendik pen eldiktiń erek kórinisi. Ekinshi Dúnıejúzilik soǵys – adamzat tarıhyndaǵy eń bir qandy qasap boldy. Oǵan qazaq dalasynan júzdegen myń jaýynger qatyssa, Atyraýdan da myńdaǵan adam attanǵan edi. Sol soıqanda qanshama azamattarymyz qaza taýyp, súıekteri jat jerde qaldy. Soǵys dalasynan oralmaǵan bozdaqtardyń biri – baqsaılyq Saparǵalı Muqatov atamyz bolatyn. Arada 80 jyldan astam ýaqyt ótkende marqumnyń súıegi týǵan jer topyraǵyna jetkizildi. Saparǵalı Erbatyrulynyń rýhy endi týǵan jerde tynyshtyq tabady. Adamzat san soǵysty bastan ótkerip, adam balasy tarıhynda nebir zulmatty kórdi. Beıbitshilikti basty ustanymyna aınalǵan Qazaqstan álemge ózindik úlgi kórsetýde. Sonaý qıyrda qalǵan batyrdyń súıegi arada jyldar ótkende týǵan jerdiń qoınyna tapsyrylaıyn dep otyr. Bul – táý eter Táýelsizdiktiń arqasy. Táýelsizdigimiz ben tynyshtyǵymyz máńgilik saltanat qursyn, – dedi óńir basshysy.
 
Jaýyngerdi aqtyq saparǵa shyǵaryp salý rásimine Saparǵalı Erbatyrulynyń urpaqtarymen qatar, batyrǵa qurmet kórsetýge kelgen bir top atyraýlyq qatysy. 
 
Batyrdyń súıeginiń týǵan jerge oralýyna tek Atyraýdyń ǵana emes, Reseı Federasııasynyń "Pereprava" izdeý otrıadynyń komandıri Natalıa Maksımova, Pavlodardyń "Maıdan joly" izdeý otrıadynyń komandıri Aleksandr Shıtov,  Atyraý oblystyq "Jańǵyrý joly" respýblıkalyq jastar qozǵalysynyń múshesi Qýanysh Iýsýpov jáne  elimizdiń basqa óńirlerinen de belsendi azamattar atsalysqan. 
 
Aıdyn Kakımov
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir