Táýelsizdik kúni merekesine oraı Alǵa, Temir, Baıǵanın aýdandarynyń eldimekenderine kógildir otyn kirgizildi. Oblys ákimi Ońdasyn Orazalın gazben qamtylǵan Saryqobda, Aqsaı, Jarly aýyldarynda bolyp turǵyndardyń qýanyshymen bólisti.
“Men únemi aǵa býyn ókilderimen kezdeskende Keńes dáýirin eske túsiremin. Dúnıedegi eń myqty memleket bola tura aýyldyq jerlerimizge gaz, sý kirgizilmedi. Bul jetistikterge qasıetti Táýelsizdigimizge qol jetkizgennen keıin ǵana múmkindik bolyp otyr. Memleket basshysynyń turǵyndardyń ál-aýqatyn jaqsartý qajettigi týraly tapsyrmasyna sáıkes óńir halqyna barynsha qolaıly jaǵdaı jasaý mindetimiz, qýanyshtaryńyz qutty bolsyn”,-dedi Ońdasyn Orazalın.  qamshy.kz
О́ńir basshysynyń bul sózderin tolyqtaı qoldaǵan aýyl aqsaqaldary keler urpaq úshin atqarylyp jatqan ıgi isterge alǵys bildirip, qazaq elinde aýyzbirshilik bolsyn dep bata berdi. Aımaq basshysy gaz qubyryn resmı túrde iske qosyp, kógildir otynnyń tutynýshylarǵa jetkendigin qaraý maqsatynda turǵyndardyń shańyraǵynda boldy.  qamshy.kz
Qazirgi tańda oblys halqynyń 90,8% kógildir otynmen qamtamasyz etilgen.
2020 jyly 3,4 mlrd.teńge bolatyn gazben jabdyqtaý jobalary iske asyrylýda, óz kezeginde atalǵan jobalar 10 myńnan astam halqy bar 13 eldi mekendi gazben qamtamasyz etýge múmkindik beredi. Osylaısha, 2020 jyldyń sońyna deıin oblys halqynyń 91,4% gazben qamtamasyz etiletin bolady. 2021 jyly jalpy quny 1,8 mlrd. teńgege gazben jabdyqtaý jobalary iske asyrylatyn bolady, bul 6,4 myń halqy bar 10 eldi meken. Sonymen qatar, 2021 jyly 9,9 mlrd.teńgege 5 jobany iske asyrýdy bastaý josparlanýda.
Oblys basshysy áleýmettik nysandardyń ashylýyna qatysty. Shubarqudyq kentinde dene shynyqtyrý - saýyqtyrý kesheni paıdalanýǵa berildi. Eki qabattan turatyn ǵımarat “Temir balalar- jasóspirimder sport mektebiniń menshiginde bolmaq. Munda 600- den astam bala boks, dzıýdo, qazaqsha kúres, fýtbol t.b sport túrlerimen aınalysady. Aımaq basshysy sport nysanyn aralap, jabdyqtarmen tanysty. Ońdasyn Orazalın jańa ǵımarattyń ashylý qurmetine sporttyq jabdyqtar alýǵa sertıfıkat tabystady. Quny 450,7 mln tg salynǵan keshendi salý jumystary ótken jyly bastalyp 2020 jyly aıaqtaldy. Taǵy bir dene shynyqtyrý-saýyqtyrý kesheni Baıǵanın aýdanynda da el ıgiligine berildi. Bir mezgilde myńǵa jýyq adamdy qabyldaýǵa qaýqarly sport nysanynda oıyn alańy, basseın, kúres zaly, jattyǵý zaldarymen qamtylǵan. Ol úshin 299,5 mln teńge qaralǵan. Zamanaýı úlgidegi sport keshenniń qúrylysy 2019 jyly bastalyp, bıyl aıaqtaldy. qamshy.kz
О́ńir basshysy jańadan salynyp jatqan aýdan ákimdigi ǵımaratynyń qurylysymen tanysty.
Qurylysy bıyl bastalǵan nysan jumysyna 268,1 mln teńge qaralǵan. 2021 jyldyń tamyz aıynda aıaqtalý josparda. Ýaqytsha jumys orny qurylyp, onda 22 azamat jumysqa ornalasty.
Ońdasyn Orazalınge Baıǵanın aýdanynyń ákimi “Aýyl el besigi”,” JQJK” memlekettik baǵdarlamalary arqyly atqarylǵan jumystardy tanystyrdy.
Oblys ákimi Baıǵanın aýdanynyń ákimi Qaırat Otarovqa, Temir aýdanynyń ákimi Joldas Batyrhanǵa, Alǵa aýdanynyń ákimi Mamyrǵalı Aqqaǵazovqa bolashaǵy bar aýyldyq eldimekenderdi kógildir otyn, sý kózderimen qamtýdy belsendi júrgizýdi, ınvestısııalyq jobalardy júzege asyryp, jumys oryndaryn kóbeıtýdi tapsyrdy. qamshy.kz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir