• USD 468.56

  • EUR 497.56

  • RUB 7.3

  • CNY 67.18

29 Naýryz, 18:55:50
Almaty
+35°

14 Jeltoqsan, 2020 Barlyq aımaqtar

«Habar» telearnasy Semeı polıgony týraly jańa tarıhı telehıkaıa usynady

17-18 jeltoqsan kúnderi saǵat 21: 40-ta, al 19 jeltoqsan kúni saǵat 22.00-de «Habar» telearnasynan «Polıgon» telehıkaıasy kórermenge jol tartady

foto: "Habar" telearnasy

17-18 jeltoqsan kúnderi saǵat 21: 40-ta, al 19 jeltoqsan kúni saǵat 22.00-de «Habar» telearnasynan «Polıgon» telehıkaıasy kórermenge jol tartady.

Saıası detektıv janrynda túsirilgen alty serııalyq kınotýyndy HH ǵasyrdyń 80-jyldarynyń sońyndaǵy qazaq halqyna ajal otyn shashyp kelgen Semeı ıadrolyq polıgonynyń jabylýyna yqpalyn tıgizgen tarıhı oqıǵalardy qamtıdy.

– Bul jobany iske asyrý úrdisi shamamen 4-5 aıǵa sozyldy. Fılmde tarıhı faktaj ben kórkem shyǵarmashylyqty biriktirgim keldi. Men álemge tanylǵan «Kartalar úıi» týyndysynan shabyt aldym. Biz shyndyqty emes, aqıqatty izdedik. Men «Habar» Agenttigine polıgon taqyryby kóterilgeni úshin alǵysymdy aıtqym keledi dedi serıaldyń rejısseri Ahat Ibraev.

Hıkaıa jelisi birneshe basty keıipkerlerdiń aınalasynda damıdy. Olardyń arasynda ómirde bolǵan tulǵalar jáne oıdan shyǵarylǵan keıipkerler de bar. Tarıhtyń qasiretti betterinde iz qaldyrǵan kezdi sýretteıtin týyndyda ıadrolyq synaq alańynan zardap shekken turǵyndar, olarǵa qarsy turǵan polıgon bastyǵy, MQB (memleket qaýipsizdigin qorǵaý komıteti) agentteriniń taǵdyry shynaıy kórsetiledi. Habar

Telehıkaıada Qazaqstan Kompartııasy Semeı oblystyq komıtetininiń birinshi hatshysy Keshirim Boztaevtyń obrazy beınelengen. Qaıǵy men qasiretten kóz ashpaǵan qazaq eline ıadrolyq synaqtardyń ekologııa men densaýlyqqa keri áseri týraly máseleni kótergen qoǵam  qaıratkeriniń batyldyqqa toly kúres joly kórermendi selqos qaldyrmasy anyq.

Kınotýyndyda Goloshekın, Kolbın, Oljas Súleımenov, Nursultan Nazarbaev syndy tarıhı tulǵalardyń rólderi sheberlikpen somdalǵan. Sonymen qatar,  fılmde jarlyqtary Semeıde ajal apanynyń ashylýyna ákelgen KSRO prezıdenti Mıhaıl Gorbachev te kórinis tapqan.  Habar

Serıaldyń basty rólderinde tanymal akterler Azamat Satybaldy, Erjan Bilál, Jandarbek Sadyrbaev, Sergeı Matveev, Denıs Annıkov, Alekseı Shemes, Asan Májit, Ánel Saılaýova, Murat Nurasylov, Ýlıana Shtılman, Álimbek Orazbekov oınap shyqty. 

Birneshe jylǵa sozylǵan respýblıka basshylary bastaǵan halyq kúresi, ortalyq memlekettik jáne partııalyq bılikke qarsylyq, qaqtyǵystar men saıası shıelenister, jeke tulǵalardyń erligine toly tarıhı kezeńdi beınelegen «Polıgon» telehıkaıasyn 17-18 jeltoqsan kúnderi saǵat 21:40-ta, al 19 jeltoqsan kúni saǵat 22.00-de «Habar» telearnasynan jiberip almańyzdar.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir