Brıtanııalyq BAQ: Qytaı Ulybrıtanııany jazalaıdy

"Qytaı Avstralııany jazalaǵandaı esh oılanbastan Ulybrıtanııany da jazalaıdy" dep habarlady Deılı Meıl, The Independent sııaqty basylymdar. Brıtanııalyq BAQ-tardyń jazýynsha, Breksıttiń Beıjińmen erkin saýda kelisimi aýyr zardapqa soqtyrýy múmkin.

"Qytaı Avstralııaǵa jasaǵanyn Ulybrıtanııaǵa jasaýdan tartynbaıdy" dedi Ulybrıtanııanyń jetekshi akademıgi, SOAS ýnıversıtetiniń Qytaıtaný ınstıtýtynyń professory Stıv Sang.

Avstralııa 2015 jyly Qytaımen erkin saýda týraly kelisimge qol qoıdy. Osy ýaqyttan bastap el ekonomıkalyq turǵydan Beıjińge táýeldi bola bastady, óıtkeni Avstralııa eksportynyń shamamen úshten ekisi Qytaıǵa jiberiledi. Avstralııa Qytaı eksporttyna táýeldi ekenin jáne óziniń egemendigine qaýip tóndiretin jaǵdaıdy pandemııa kezinde bildi. Ýhandaǵy koronavırýs indetine qatysty Beıjińniń alǵashqy jaýabyna kúmán keltirgen kezde, Avstralııa ózine tyqyr taıaǵanyn sezdi.

COVID-19 týraly qytaılyq aqparattarǵa kúmán keltirgeni úshin jáne Gonkongtaǵy demokratııany qoldaǵany úshin de Kanberra tarıfter arqyly jazalandy.

Breksıtten keıingi Ulybrıtanııa men Qytaı arasyndaǵy erkin saýda týraly kelisim Ulybrıtanııanyń eksporttyq ekonomıkasy úshin qarjylyq tirek bola alady, biraq brıtanııalyq sarapshylar mundaı kelisimniń Avstralııanyń tájirıbesindegideı saldarǵa ákep soqtyratynyn aıtady.