almaty.gov.kz
Búgin Almaty qalasynyń Túrksib aýdanynda Almaty qalasy ákiminiń orynbasary Erjan Babaqumarovtyń, Jeltoqsan oqıǵasyna qatysýshylardyń, zııaly qaýym, qoǵam ókilderiniń qatysýymen Jeltoqsan saıabaǵynyń saltanatty ashylýy ótti.
Jas Qanat jáne Maıak yqshamaýdandarynyń aýmaǵynda «Jeltoqsan» saıabaǵy Almaty qalasynyń ákimi Baqytjan Saǵyntaevtyń sheshimimen ashyldy.
Buǵan deıin ákimdikte Jeltoqsan uıymdarynyń basshylarymen ótken kezdesýlerde olar osyndaı saıabaqty ashý týraly usynǵany belgili bolatyn. Ár túrli nusqalar qarastyryldy, nátıjesinde qalanyń soltústik bóliginde aýdany 100 gektardan asatyn eń úlken jańa saıabaqty usyndy. Rekreasııalyq aımaq aeroport kóliniń jaǵalaýyn qamtıdy. Abattandyrý alańy — shamamen 23 myń sharshy metr.
2020 jyly, pandemııaǵa qaramastan, saıabaqtyń birinshi kezeńi aıaqtaldy. Saıabaqta 13 oıyn alańy bar — 8 balalar jáne 7 sport alańy, onyń ishinde vorkaýt alańdary, mını-fýtbol jáne strıtbol oıyn alańdary, sondaı-aq parkýr oıyn alańy.
Saıabaqtyń basty ereksheligi —uzyndyǵy 1200 metrlik jaıaý júrginshilerge arnalǵan pırst. Ol Kishi Almaty ózeniniń arnasynan jáne Áýejaı kóliniń shyǵys jaǵalaýynan ótedi. Pırs Maıak yqshamaýdany men aýdan ortalyǵy arasyndaǵy ózindik kópirge aınaldy.
2021 jyly saıabaqty jasaý jumystary jalǵasady. Jaıaý serýendeýge jáne demalýǵa arnalǵan aımaqtardy, sondaı-aq toǵaıdyń jasyl qoryn qaıta qurý josparlanýda.
Qala ákimi B. Saǵyntaevtyń tapsyrmasymen saıabaqty odan ári damytý Jeltoqsan uıymdarynyń basshylary men irgeles aýdandar turǵyndarynyń pikirin eskere otyryp josparlanatyn bolady.
Jeltoqsan saıabaǵynyń ashylý saltanatynda Almaty qalasynyń ákimdiginiń, zııaly qaýym jáne «Nur Otan» partııasynyń ókilderi sóz sóıledi.
«Sizderdi kele jatqan Táýelsizdik kúnimen quttyqtaımyn. Barlyǵymyz úshin 1986 jylǵy jeltoqsan oqıǵasy erekshe mánge ıe. Olar Qazaqstan Táýelsizdiginiń qalyptasý tarıhyna engen jáne halyqtyń jadynda qalady. Bul da jańa „Jeltoqsan“ saıabaǵynyń sımvolıkasy – jastarǵa sol oqıǵalardy eske túsiredi», — dedi qala ákiminiń orynbasary Erjan Babaqumarov.
Qazaqstan Jazýshylar odaǵynyń tóraǵasy Ulyqbek Esdáýlet keler jyly jeltoqsan oqıǵasyna 35 jyl tolatynyn eske saldy.
«Sol aıtýly oqıǵanyk qarsańynda ashylýynyń máni zor ári almatylyqtardyń rızashylyǵyn bildiredi. Biz 135 shyrsha kóshetterin otyrǵyzdyq, oǵan Jeltoqsan oqıǵasyna qatysýshylardyń ózderi qatysty, olardyń qurmetine bul saıabaq Almaty ákimi B. Saǵyntaevtyń qoldaýymen jasaldy», — dedi U. Esdáýlet.
Nur Otan partııasy qalalyq fılıaly tóraǵasynyń birinshi orynbasary Stanıslav Kankýrov bul is-sharanyń erekshe mańyzdylyǵyn atap ótti jáne elimizdiń tarıhyndaǵy mańyzdy oqıǵaǵa arnalǵan alǵashqy saıabaq ekenin aıtty.
«Bul jeltoqsan oqıǵasyna qatysýshylar men barlyq qala turǵyndary úshin aıtýly shara. Búgin munda elimizde bolǵan jáne egemendikke jetelegen tarıhı oqıǵalardy eske alý úshin kóptegen adamdar keldi. Táýelsizdik – bul „Nur Otan“ partııasynyń saıası doktrınasyndaǵy basty qundylyq. Qazaqstandyqtardyń jas urpaǵy táýelsizdikti baǵalap, ony bizdiń elimizdiń mańyzdy belgisi retinde baǵalaýy tıis», — dep atap ótti S. Kankýrov.
Jazýshy, qoǵam qaıratkeri Smaǵul Elýbaı Táýelsizdik kúni qarsańynda saıabaqtyń ashylýyn eleýli oqıǵa dep atady.
«Bizdiń basty baılyǵymyz – Táýelsizdik – myzǵymas bolýy kerek. Sonda elde beıbitshilik pen tártip ornaıdy, balalarymyz ben olardyń ata-analary aman-saý bolady. Jańa saıabaq gúldenip, almatylyqtardyń qýanyshyna keńelip, barlyǵynyń aıshyqty ornyna aınalsyn!», — dedi S. Elýbaı.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir