13 Jeltoqsan, 2020 Áleýmet
Nur-Sultanda máıiti tabylǵan Symbattyń óliminen keıin petısııa jarııalandy
Symbat Quljaǵarova jeltoqsannyń 9-ynan 10-na qaraǵan túni bıikten qulap qaıtys bolǵan.
Foto: Facebook
Ne Molchı-diń Facebook paraqshasynda Symbat Quljaǵarovanyń óliminen keıin Qazaqstan prezıdenti men respýblıka parlamentine arnalǵan "Qazaqstan áıelderine qatysty zorlyq-zombylyqty toqtataıyq" atty petısııa jarııalandy.
Symbat Quljaǵarova jeltoqsannyń 9-ynan 10-na qaraǵan túni bıikten qulap qaıtys bolǵan. Tekserý barysynda onyń hat qaldyrǵany anyqtalǵan. Onda Symbat óz ólimine eshkimdi kinálamaıtynyn jazǵan. Alaıda onyń týystary Symbattyń sýısıd jasaǵanyna senbeıdi. Olar istiń mán-jaıyn tekserýdi talap etip otyr. Symbat buǵan deıin áleýmettik jelide kúıeýi ony jıi soqqyǵa jyǵatynyn aıtyp halyqtan kómek suraǵan. Ol psıhıkalyq aýrýǵa shaldyqqan naýqas retinde aýrýhanaǵa jatqyzylǵan. Alaıda onyń dostary Symbattyń saý bolǵanyn aıtady.
Ne Molchı-diń Facebook paraqshasyndaǵy petısııa avtorlary turmystyq zorlyq-zombylyq týraly zańǵa ózgeris engizýdi talap etip otyr. Petısııa avtorlarynyń aıtýynsha, qoldanystaǵy zań áıelderdiń ómirine qaýip tóndiredi.
Petısııaǵa 22000 adam qol qoıǵan.
Symbat Quljaǵarova Aqtaýda dúnıege kelgen. Almatyda KIMEP-ti bitirip oqýyn LSC-de (London school of commerce) jalǵastyrǵan. 2013 jyly Londonda sulýlyq baıqaýyn qatysyp, jeńiske jetken. Symbat sýret salý men bılegendi jaqsy kóretin.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir