12 Jeltoqsan, 2020 NEWS
Foto: Qamshy.kz
Qazaqstannyń Syrtqy ister mınıstrligi Reseıdiń memlekettik dýma depýtaty Vıacheslav Nıkonov sekildi deńgeıdegi adamnyń oısyz aıtylǵan málimdemesine nazar aýdarmaıdy. Bul týraly KazTAG agenttigine mınıstrliktegi derekkóz málim etken.
– Bul ("Qazaqstan aýmaǵy – Reseı tarapynan jasalǵan syı" deý – red.) málimdeme – spıkerdiń (Reseı dýmasynyń depýtaty jáne "Bolshaıa ıgra" baǵdarlamasynyń júrgizýshisi Vıacheslav Nıkonov – red.) tómengi bilimi men tárbıesin kórsetetin oısyz aıtylǵan sóz, – degen derekkóz.
Insaıder qazaqstandyq SyrtIsMın mundaı málimdemeler nazar aýdarýǵa turmaıdy dep sanaıtynyn atap ótken.
– Nur-Sultan men Máskeý arasynda keremet dostyq qarym-qatynas ornaǵan ári barlyq másele boıynsha túsinistik saltanat qurǵan, – degen derekkóz agenttikke.
Buǵan deıin Reseı dýmasynyń depýtaty jáne "Bolshaıa ıgra" baǵdarlamasynyń júrgizýshisi Vıacheslav Nıkonov "Pervyı kanal" memlekettik telearnasynyń efırinde "Qazaqstan aýmaǵy – Reseı tarapynan jasalǵan syı" dep málimdegen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir