• USD 468.56

  • EUR 497.56

  • RUB 7.3

  • CNY 67.18

29 Naýryz, 05:59:14
Almaty
+35°

11 Jeltoqsan, 2020 Áleýmet

Qytaı ekige aıyrǵan musylman otbasy qaıta qaýyshty

Ázizdiń otbasy Qytaımen júrgizilgen dıplomatııalyq kelisim nátıjesinde elden ketýge ruqsat aldy.

Foto: BBC.com

Áziz Abdýsalam Aýstralııa azamaty. Ulty – uıǵyr. Ol áıelin kórmegenine úsh jyl bolǵan. Al balasymen birinshi ret kezdesti. Balasy 2017 jyly dúnıege kelgende ol Aýstralııada edi. Olar uzaq ýaqyttan keıin Sıdneı qalasynda qaıta qaýyshty.  

Ázizdiń otbasy Qytaımen júrgizilgen dıplomatııalyq kelisim nátıjesinde elden ketýge ruqsat aldy. Onyń áıeli úı qamaqta bolǵan. Onyń da ulty uıǵyr.

Otbasy baqytty sátin fotoǵa túsirip, jelide bólisti. "Raqmet, Aýstralııa. Barshańyzǵa kóp raqmet" dep jazdy Áziz Abdýsalam tvıtterde.

Áziz Aýstralııa azamaty atanǵanyna 10 jyl. Onyń qalyńdyǵy Qytaıda turǵan. Áziz 2016 jyly Qytaıǵa úılený úshin barady. Bir jyldan keıin jumys babymen Aýstralııaǵa oralýǵa májbúr boldy. Ol ýaqytta áıeli onyń vıza alýyn kútip Qytaıda qalǵan. Ázizdiń áıeli sol jyly bosandy, biraq Qytaı bıligi Ázizge vıza berýden bas tartty.

Ýımaıer hanym bosanǵannan keıin Qytaı bıligi ony qamaýǵa aldy. Eki aptadan keıin bosatyp, pasportyn tartyp alyp, úıden shyǵýǵa tyıym saldy. Aýstralııa Qytaıdan olardy elden ketýge ruqsat berý týraly ótinish jibergenimen eki jyl boıy jaýap ala almady.     

Qytaı aqpanda zańdy jeleý etip Áziz ben Ýımaıerdiń otbasyn tirkemedi. Áziz tvıtterda balasy men áıeliniń fotosyn jarııalap, "Men otbasymmen birge bolǵym keledi" dep jazdy.

Ázizdiń áıeli balasymen

Aýstralııa dılomatııalyq kelisimniń nátıjesinde Ýımaıer men balasyna Qytaıdan Aýstralııaǵa kelýge ruqsat alyndy.

Áziz otbasymen áýejaıda

Áziz Abdýsalamý Aýstralııanyń syrtqy ister departamentine, zańgerler men jýrnalısterge alǵysyn bildirdi.

Áziz balasymen

Adam quqyǵyn qorǵaıtyn uıymdar mıllıondaǵan uıǵyr Qytaı lagerinde otyrǵanyn aıtady. Qytaı adam quqyǵy men bostandyǵyn shektegenin joqqa shyǵaryp, ony dinı ekstremızm men terrorızmge qarsy kúres ekenin aıtady. Onyń aldyn alý úshin "saıası saýattandyrý" jumystaryn júrgizip jatqanyn alǵa tartty.  

Qazanda 39 el Qytaı lagerlerindegi jaǵdaıǵa baılanysty narazylyqtaryn bildirgen. Onyń ishinde Aýstralııa, Brıtanııa, AQSh pen birneshe Eýropa elderi bar.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir