Almaty oblysynda bes balanyń anasynyń ólimine qatysy bar dárigerlerge sot úkimi shyqty. Bul týraly polisia.kz saıty habarlady.

2018 jyldyń qazan aıynda  35 jastaǵy bes balanyń anasy bosanǵannan keıin qaıtys bolǵan. Oqıǵa Uıǵyr aýdany Shonjy aýylynyń ortalyq aýrýhanasy perzenthanasynda boldy.

Bul oqıǵaǵa baılanysty qylmystyq kodekstiń 317-babynyń 3-bóligi ("Medısına nemese farmasevtıka qyzmetkeriniń olarǵa uqypsyz qaraýy nemese adal qaramaýy saldarynan kásibı mindetterin oryndamaýy, tıisinshe oryndamaýy, eger bul áreketter abaısyzda adam ólimine alyp kelse") boıynsha qylmystyq is tirkeldi.

Sot úkimine sáıkes 63 jastaǵy dáriger-hırýrg eki jylǵa bas bostandyǵynan aıyryldy. Oǵan kómek kórsetken 33 jastaǵy akýsher-gınekologqa úkimniń oryndalýyn bes jylǵa keıinge qaldyra otyryp, 1 jyl 6 aı merzimge bas bostandyǵynan aıyrý jazasy taǵaıyndaldy. Al 31 jastaǵy akýsher-gınekologqa jazasyn óteýdiń barlyq merzimine probasııalyq baqylaý belgilene otyryp, shartty túrde 1 jyl 6 aı merzimge bas bostandyǵynan aıyrý jazasy taǵaıyndaldy. Sondaı-aq barlyq úsh dáriger bir jyl merzimge dáriger bolý quqyǵynan aıyryldy. Jábirlenýshiniń múddesi úshin olardan 5 mıllıon teńge kóleminde moraldyq shyǵyn óndirildi.

"Qamshy" silteıdi
Ilmek sózder: ana ólimi Shonjy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir