"Huawei kompanııasy Qytaıdaǵy qazaq, uıǵyr sııaqty musylman azshylyqtardy baqylaýǵa qatysty" degen apqarattardan keıin Fransýz fýtbolshysy Antýan Grızmann Qytaı telekommýnıkasııalyq fırmasymen demeýshilik kelisimshartty toqtatqanyn aıtty.

Jaqynda shyqqan esepte "Qytaı polısııasy úshin musylman azshylyqtaryn anyqtaýǵa kómektesetin, bet-álpetti tanıtyn baǵdarlamalyq jasaqtamany Huawei kompanııasy synaqtan ótkizdi" degen boljam jasaldy.

Huawei VVS-ge bul aqparattardy múldem joqqa shyǵardy jáne Grızmannnyń sheshimi "ókinishti" ekenin aıtty.

Qytaı azshylyqtarǵa qatysty kóptegen syn-pikirlerge ushyraýda.

Qytaı úkimeti Shyńjań provınsııasynda bir mıllıonnan astam az ulttardy "qaıta tárbıeleý lagerleri" dep anyqtaǵan oryndarda qamaǵan dep sanalady. Degenmen, Beıjiń árdaıym qatygez áreketterdi joqqa shyǵarýda jáne lagerler terrorızmdi joıýǵa jáne jumysqa ornalasý múmkindigin jaqsartýǵa arnalǵan dep aıtady.

29 jastaǵy Grızmann 2017 jyldan bastap Huawei kompanııasynyń brend elshisi boldy jáne kompanııanyń Fransııadaǵy jarnamasynda erekshe oryn aldy.

AQSh-taǵy IPVM qadaǵalaý-zertteý fırmasy seısenbidegi esebinde Qytaıda bet-álpetti taný baǵdarlamalyq jasaqtamasyn Shyńjańdaǵy etnıkalyq azshylyqtardy anyqtaý úshin qoldanatyn testileýge Huawei kompanııasynyń qatysqanyn habarlady.

Osy jyldyń basynda "Arsenal" men Germanııanyń eks-oıynshysy Mesýt О́zıl de qazaqtar men uıǵyrlardy "qýǵyn-súrginge qarsy turǵan jaýyngerler" dep atap, Qytaıdy jáne aıyptalǵan qatygezdikke únsiz otyrǵandardy synǵa aldy.

Bul Beıjińniń shamyna tıip memlekettik teledıdar "Arsenaldyń" artıkýlin teledıdar kestesinen alyp tastady. О́zıl sonymen birge Pro Evolution Soccer vıdeo oıynynyń qytaı tilindegi nusqasynan alynyp tastaldy.

"Qamshy" silteıdi
Ilmek sózder: Fransýz fýtbolshy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir