"О́rken" grantyna konkýrs jarııalandy

"Nazarbaev Zııatkerlik mektepteri" derbes bilim berý uıymy 2021-2022 oqý jylynda 7-synypta oqýǵa úmitker oqýshylarǵa Qazaqstan Respýblıkasy Tuńǵysh Prezıdentiniń "О́rken" bilim berý grantyn taǵaıyndaý konkýrsyn jarııalady. Bul týraly "Jetisy Media"  aqparattyq alańynda málim boldy.

Bilim grantyna ótinish qaldyrý merzimi bıylǵy 2 jeltoqsanynan 2021 jyldyń 23 qańtaryna deıin jalǵasady. Karantındik shekteýler kezinde sanıtarlyq talaptardy saqtaý jáne qaýipsizdikti qamtamasyz etý maqsatynda árbir Zııatkerlik mekteptiń qabyldaý komıssııasyna kelýshiler aǵymyn retteý úshin onlaın brondaý qyzmeti júzege asyrylady. Bul qyzmet  qujattardy tapsyrý úshin mektepke kelý kúni men ýaqytyn aldyn ala belgileýge múmkindik beredi.

Úmitkerler konkýrstyq irikteýge qatysý úshin qabyldaý komıssııasyna Konkýrsqa qatysý úshin ótinish berip,saýalnama toltyryp, úmitkerdiń týý týraly kýáliginiń kóshirmesi, úmitkerdiń JSN-i, bar bolǵan jaǵdaıda jeke bas qujatynyń kóshirmesin, zańdy ókildiń JSN-i kórsetilgen jeke kýáliginiń kóshirmesi men 086/ý medısınalyq anyqtama formasyn jáne úmitkerdiń sońǵy oqý jylyndaǵy úlgerimi men tártibiniń, eger úmitker oqý jylyn aıaqtamaǵan jaǵdaıda oqýyn jalǵastyratyn bolsa, oqý jylynyń I jarty jyldyǵyndaǵy úlgerimi men tártibi týraly tabeliniń kóshirmesin tapsyrady.  Talap etilgen qujattar oqıtyn mektep basshysynyń qolymen rastalyp, tıisti bilim berý uıymynyń mórimen bekitilýi kerek.

Al negizgi testileý kezeńi keler jyly naýryz aıynyń 11-12 juldyzynda ótedi.

Elimizdiń basty bilim berý ordasynda oqýǵa nıetti bóbekter "matematıka", "sandyq sıpattamalar", "jaratylystaný" pánderi men qazaq, orys, aǵylshyn tilderi boıynsha synaq tapsyrady. Osy arqyly ustazdar qaýymy jaratylystaný-matematıkalyq baǵyttaǵy pánderdi ıgerý qabiletimen,  tilderdi meńgerýin baǵamdaıdy. Aıta ketemiz, emtıhan tapsyrý ýaqyty 120 mınýtty quraıdy. Ata-analar synaq tapsyrý barysyn YouTube jáne  QR kod arqyly onlaın baqylaı alady.

Memleket tarapynan usynylǵan bul grantty jeńip alý úshin oqýshylar negizgi shekti baldy jınaýy tıis. Máselen, matematıkadan 140 balldan kem bolmaýy shart. Al, sandyq sıpattamalardan 120 balldan joǵary mejeni baǵyndyrý qajet. Bilim mekemesiniń basshylyǵynyń aıtýynsha, emtıhanǵa bıylǵy jyly "Jaratylystaný" bólimi boıynsha aprobasııalyq test ótkiziledi. Biraq ta, oqýshylardy irikteý konkýrsynda  aprobasııanyń nátıjeleri eseptelmeıdi. Balalar tapsyrǵan synaq sheteldik "SITO" ortalyǵyna jiberiledi. Ondaǵy mamandar bilimgerlerdiń qabiletin tekseredi. Artynsha test nátıjeleri mektep basshylyǵyna jetkiziledi. Osylaısha emtıhannyń  qorytyndysy 40 kúnde belgili bolady.

Búgingi kúni Nazarbaev zııatkerlik metebine túsý úshin 86 oqýshy ótinish bergen. Onyń 70%- y qazaq, qalǵan 30% orys synyptarynda oqýǵa qulyq tanytyp otyr.

"Aldaǵy ýaqytta neshe synyp ashylatyny testileý nátıjesine baılanysty bolmaq. О́tken oqý jylynda 4 qazaq, 2 orys synybyna baldyrǵandardy qabyldaǵanbyz", -deıdi  Nazarbaev zııatkerlik mektebi dırektorynyń oqý-isi jónindegi orynbasary Eralı Qydyrbaıuly.

Nazarbaev zııatkerlik mektebi  tek ǵylymǵa  ǵana den qoıyp qoımaı, balalardyń shyǵarmashylyqpen  aınalysýyna da múmkindik qarastyrǵan.   Onda bilim alatyn oqýshylar bos aýyqttarynda tenıs, toǵyzqumalaq,  doıby syndy úıirmelerge qatysyp qana qoımaı, "Vıkıpedııa" atty arnaıy klýbta  memlekettik tilde maqala jazyp, ony ǵalamtor keńistigine júkteýmen aınalysady.  Odan bólek,  "Týǵan elge taǵyzym", "eki apta aýylda" syndy áleýmettik jobalarǵa da qatysady. Bul óz kezeginde balalardyń  tulǵalyq damýyna yqpal etedi.  Sondaı-aq, qosymsha qytaı,káris, nemis tilderin  úırene alady. Biraq eldegi epıdemıologııalyq jaǵdaıǵa oraı bul joba ázirge toqtap tur.

Bıylǵy jyldan bastap atalmysh bilim ordasy bastaýysh synyptarǵa bilim berýin toqtatqan. Endigi de sapaly mektepte oqý tek 7 synyptan múmkin bolmaq.   Esesine oqý ordasynda eki 12 synyp    tereńdetilip oqytylady.    О́ńirdegi úzdik bilim oshaǵyna túsýshi jastardyń 40 paıyzy shalǵaı-eldi mekennen kelýshilerdi quraıdy. Olardyń oqýyna jaǵdaı jasaý úshin mektep janynan 146 orynǵa laıyqtalǵan jataqhana da qarastyrylǵan.

Barshaǵa belgili el aýmaǵynda koronavırýs saldarynan oqý onlaın formatqa aýystyrylǵan.  Atalmysh mekteptiń muǵalimderi  Microsoft Teams platformasynda bilim berýdi jalǵastyrýda. Qashyqtyqtan bilim berý júıesi oqý ordasynyń kórsetkishine esh keri áserin tıgizbegen. Kerisinshe baǵalaý kórsetkishi sońǵy 11 jylda eń joǵarǵy nátıjeni kórsetip, 85 paıyzǵa jetken. Onyń syry, mektep basshylyǵy ustazdar men oqýshylardy kerektiniń barlyǵymen qamtyǵanynda.  Bilim ordasy tarapynan 150-den astam oqýshyǵa noýtbýk berilgen. Dál solaı muǵalimderge de  tehnıkalyq jaǵynan qoldaý kórsetilip otyr.  Bul sapaly bilim berý arqyly, sanaly urpaq tárbıeleý jolyndaǵy ólsheýsiz eńbektiń nátıjeci.