"Eske alýdyń ózi aýyr": Karantınnen keıingi Ýhan (vıdeo)

Ýhanda bir aıda bir de bir koronavırýs jaǵdaıy tirkelmedi. Ýhan turǵyndary qalypty ómirge oraldy. Bazarda saýda jasap, dalaǵa shyǵyp, taza aýada qydyra alady. Koronavırýs ınfeksııasy alǵash Ýhanda shyǵyp, álemge tarady. 4000 adam koronavırýstan qaıtys boldy.

30 jyldyq tájirıbesi bar shashtaraz  «qalada  vırýs órship turǵan ýaqytty eske alýdyń ózi aýyr» dep kózine jas aldy.

– Karantın bastalǵanda sán salonymdy jabýǵa týra keldi. Aqshadan qınalǵandyqtan ǵımaratty jalǵa berýshi bir aıdyń aqshasyn tólemeýge ruqsat berdi. Karantın kezinde áriptesterimmen birigip erikti retinde adamdardyń shashyn tegin qıdyq. Men 2000 adamnyń shashyn qıdym. Onyń arasynda medısına qyzmetkerleri kóp. Olardyń shashyn qıǵanda koronavırýstan qorǵaıtyn kıimnen bastaryna iz qalǵanyn baıqadym. Buny kórgende kózime jas keldi. Aýrýhanada jumys isteıtin qyzmetkerlerdiń shashyn qııý qaýipti edi. Qoryqqanym da ras. Infeksııa juqtyrmaı jolym boldy. Otbasymmen turatyndyqtan áıelim balalar úshin qoryqty. «Taǵy syrtqa shyǵatyn bolsań polısııaǵa habarlasamyn» dedi. Men jataqhanaǵa kóshýdi uıǵardym. Úıden shyǵyp, áıelim esikti japqanda kóz jasyma erik berdim. Biraq shashtaraz retinde qolymnan kelgenshe kómektesý mindetim edi, –  dep eske aldy.

Shashtaraz arnaıy kıim kıip, taza aýada jumys istegen. Shashyn qıǵan ár dáriger onyń kıimine qoltańbasyn qaldyryp otyrǵan. Onyń aıtýynsha, halyq úshin qıyn sátte jasaǵan jaqsylyǵynyń arqasynda jumysy alǵa basty. Qazir onyń salonyna halyq burynǵydan da  kóp keledi. Kásibi jumys osy qarqynmen júrse, 2021 jyly salonnyń fılıalyn ashý oıynda bar.

Kásipkerlerdiń barlyǵynyń birdeı dál bylaı tasy órge domalamady. Kásipkerler tutynýshylar sany az bolǵandyqtan taýaryn arzanǵa satýǵa májbúr.

Ýhanda 8 sáýirde karantın jarııalandy .2 mamyrda mekemelerdiń ashylýyna ruqsat berildi. Dese de qala bıligi koronavırýspen kúres áli aıaqtalmaǵanyn aıtady. Ýhan turǵyndary 76 kún karantınde otyrýǵa májbúr bolǵan. 4000 adam koronavırýstan qaıtys boldy.

Hot-Dry Noodles  meıramhanasynyń dırektory Ýang Iýlıan lokdaýnnan keıin meıramhanaǵa adamdar áli de kóp kelmeıtinin aıtady.

– Adamdar áli de qorqady. Biz aqshamyzdy joǵaltyp jatyrmyz. Máselen, qazir jańbyr jaýyp tur. Sáıkesinshe adam qarasy da az. Buryn kómekshi jaldaýǵa múmkindigim bolmaǵanda ózim 20 saǵat jumys isteıtinmin. Men balalarymdy aıaqtandyrý úshin qolymnan kelgenniń bárin jasaımyn, – deıdi Ýang Iýlıan.