• USD 424.85

  • EUR 504.21

  • RUB 5.84

  • CNY 65.86

19 Qazan, 18:29:47
Almaty
+13°

Foto: ashyq derekkóz

Túrkııa Reseıdiń koronavırýsqa qarsy vaksınasyn satyp almaıdy. Bul týraly Reuters agenttigi eldiń densaýlyq saqtaý mınıstri Fahrettın Kojaǵa silteme jasap málimdedi.

Onyń sózinshe, preparat tıisti zerthanalyq zertteýden ótpegendikten, ony qoldanýǵa ruqsat bere almaıdy.

Mınıstr áńgime qaısy vaksına jóninde ekenin aıtpady. Biraq osyǵan deıin Reseıdiń densaýlyq saqtaý mınıstrligi Túrkııanyń "Spýtnık V" vaksınasyn satyp alýǵa qyzyǵyp otyrǵanyn málimdegen.

Reuters Túrkııa Qytaıdyń Sinovac Biotech kompanııasynan 50 mıllıon dana vaksına satyp alǵanyn, jappaı egý jeltoqsan ishinde bastalatynyn jazdy. Fahrettın Kojanyń aıtýynsha, Ankara sonymen birge 2021 jyldyń sońyna qaraı Pfizer jáne BioNTech kompanııasynan 25 mıllıon dana vaksına satyp almaq.

TASS agenttigi "Spýtnık V" vaksınasyna qoldaý kórsetýmen aınalysatyn Tikeleı ınvestısııalar qoryndaǵy derekkózge silteme jasap, Túrkııa preparattan bas tartpaǵanyn, kelissózder júrip jatqanyn jetkizdi.

Túrkııada pandemııa bastalǵannan beri 900 myńnan astam adamǵa COVID-19 vırýsy juǵyp, 15 myńnan astamy qaıtys boldy.

"Spýtnık V" vaksınasyn synaýǵa 40 myńǵa jýyq adam qatysqan. Ol resmı túrde 11 tamyzda tirkelgen. Sol kezde preparat klınıkalyq synaqtyń eki kezeńinen ǵana ótken. Synaqtyń úshinshi kezeńinde onyń tıimdiligi 95% ekeni málimdelgen.

"Qamshy" silteıdi
Ilmek sózder: Túrkııa Reseı

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir