Resmı derek boıynsha búginde Almaty qalasynda 2800-ge jýyq jeke turǵyn úı kógildir otynǵa qosylmaǵan. Sonyń saldarynan turǵyndar úıin kómirmen jylytýǵa májbúr. Bul bir jaǵynan áýresi kóp is, ekinshi jaǵynan qaýipsizdigi tómen. Ári qymbat. Qorshaǵan ortany lastaıtyny taǵy bar. Alaıda úıge gaz kirgizý de arzan emes. Sondyqtan qala basshysy Baqytjan Saǵyntaev turǵyndar úıine gaz qosýy úshin ekinshi deńgeıli bankter arqyly kredıt berý múmkindigin qarastyrýdy tapsyrǵan. Bul bastamany alǵash bolyp qoldaǵandardyń biri – Halyk Bank. Bank gaz ornatýǵa paıyzsyz kredıt berýdi bastap ketti. Budan bólek turmysy tómen otbasylarǵa kógildir otyndy tegin jalǵaý jobasyn qolǵa aldy.

Foto: Halyk Bank-tiń baspasóz qyzmeti

Halyk Bank basqarma tóraǵasynyń orynbasary Dáýren Sartaevtyń aıtýynsha, joba halyqtyń áleýmettik osal tobyna jatatyn jáne óz úılerin gazben jabdyqtaǵysy keletin basqa da qala turǵyndaryn qamtıdy.

 

Kómir jaǵý qalanyń aýa tazalyǵyna keri áserin beretinin bilemiz, sondyqtan Halyk Bank halyqtyń áleýmettik turǵydan osal tobyna jatatyn turǵyndardyń úılerine gazdy tegin qosady. Almaty ákimdigi usynǵan tizimge sáıkes, úıge gazdy tegin qosý ǵana emes, onymen qosa barlyq qajetti gaz jabdyqtaryn satyp alýǵa da kómektesemiz. Al áleýmettik turmysy tómen otbasy qataryna jatpaıtyn almatylyqtar úshin paıyzsyz kredıt usynamyz. Bul – bizdiń qalamyzdyń áýe basseınin tazartýǵa qosqan úlken úlesimizdiń biri, – Dáýren Sartaev.

 

Gaz ornatý jumystaryn Temel Group Stroy kompanııasy júzege asyryp jatyr. Uıymnyń atqarýshy dırektory Aslan Tóleýtaevtyń gaz ornatý jumysy jeke qaralatynyn aıtty.

– Máselen, keıbir úılerde pesh ornatýǵa arnalǵan bólek bólme salý qajet bolsa, al keıbir úıde esik nemese terezeni aýystyrýǵa týra keledi. Iаǵnı, gaz ornatýǵa qajetti jabdyqtardan bólek, basqa qajetti taýardy alý, ony ornatý jumystaryn da atqaramyz, – deıdi kompanııa dırektory.

Zeınetker, 3-top múgedegi Galına Goncharova Halyk Bank-tiń arqasynda ot jaǵý sekildi taýqymetten qutylǵanyn jetkizdi.

Foto: Halyk Bank-tiń baspasóz qyzmeti

– Men úıdi jıyrma jyl boıy kómir jaǵyp, jylytyp kelemin. Maǵan bul óte qıyn edi, óıtkeni aıaǵym aýyrady. Endi, mine Halyk Bank-tiń arqasynda meniń armanym oryndaldy, búgin meniń úıime gaz qosyldy. Bul ıgi iske rızashylyǵym sheksiz, – dedi zeınetker.

Úıine kógildir otyn jalǵanǵan jandardyń biri – jalǵyzbasty ana Gúlbahram Býltakova da bank tarapynan jasalǵan osyndaı ıgi iske dán rıza.

– Buryn qyzym ekeýmiz bólmeniń dál ortasynda turǵan peshti jaǵatynbyz. Banktiń qoldaýynyń arqasynda úıge gaz jetkizilip, úıge jylý júıesi ornatyldy. Olar pesh turatyn bólmeni de ózderi turǵyzdy, men bankke shyn júrekten rızamyn, – deıdi júzi balbul jaınaǵan jalǵyzbasty ana.

 

Halyk Bank turmysy tómen otbasylardyń úıine gaz qosý úshin 60 mıllıon teńgeden astam qarajat bóldi. Búgingi kúni 10 otbasyǵa gaz tegin ornatyldy, jyl sońyna deıin Naýryzbaı jáne Alataý aýdany boıynsha 70 astam úıge tegin gaz tartý josparǵan.

 

Almaty qalasynyń kez kelgen turǵynynda gaz jabdyǵyn ornatý úshin paıyzsyz kredıt alý sharttary tómendegideı:

  • Syıaqy mólsherlemesi – 0%;
  • Zaımdy resimdegeni úshin komıssııa – 0,1%
  • Kredıtteý merzimi – 18 aıǵa deıin
  • Bir jeke tulǵa úshin zaımnyń somasy – 309 000 ₸ mólsherinde

Paıyzsyz kredıt alý úshin azamattar kelesi qadamdardy oryndaýy qajet:

– qajetti qujattardyń tizimimen keńesý úshin aýdan ákimdikterimen baılanysý;

– gazdy qosýdyń tehnıkalyq sharttaryn alý jáne qyzmetti usynatyn kompanııalarmen kelisim jasaý;

– osy kelisimmen kredıt alý úshin kelesi mekenjaılardaǵy Halyk Bank-tiń eki bólimshesiniń birine habarlasý:

  • Túrksib aýdany, Kýngýrskaıa kóshesi, 2 úı, Halyk Bank, 131832 bólimshesi;
  • Áýezov aýdany, «Jetysý-4» shaǵyn aýdany, 13 «A» úı, Halyk Bank, 30 JSO

Baǵdarlama týraly tolyǵyraq bank saıtynan tanysýǵa bolady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir