"Qoǵamdyq kelisim" KMM-niń uıymdastyrýymen belsendi aýyl jastaryn qoldaýǵa arnalǵan Almaty oblysyndaǵy alǵashqy bıznes-jobalar baıqaýy ótti.

Baıqaýdyń barlyq jeńimpazdary, ádettegi kelbetten, saltanatty kelbetke aýysty. Jigitter klassıkalyq kostıýmderde, al qyzdar keshki kóılekterde boldy. Jastarǵa qyzmet kórsetý ortalyǵyndaǵy bezendirý jáne mýzykalyq súıemeldeý janǵa jaıly atmosfera syılady. Keıde "Jer Jannaty Jetisy" baıqaýynyń jeńimpazdaryn marapattaý rásiminde emes, "Oskar"syılyǵyn tabystaý rásiminde otyrǵandaı áserde bolasyń.

Almaty oblys ákiminiń orynbasary Rýstam Álı, joba baıqaýynyń jeńimpazdaryn quttyqtap, qýanyshtaryn bólisti. Ol jobany iske asyrýdyń joǵary áleýmettik mańyzdylyǵyn atap ótip, jeńimpazdarǵa odan ári iske asyrýda tabys tiledi. "Kóptegen jas jigitter men qyzdardyń ıdeıalary bar, biraq olardy júzege asyrýǵa múmkindik joq. Endi meniń oıymsha,  ózderińizdiń  armadaryńyzdy iske asyrý qoldaryńyzdan keledi. Qazir Elbasy men el Prezıdenti Qazaqstan Halqy Assambleıasyna úlken kóńil bólýde. Aldaǵy ýaqytta basqa da aýqymdy jobalar bolady, belsendi qatysyńyzdar", – dedi oblys ákiminiń orynbasary. Rýstam Álı men "Qoǵamdyq kelisim" KMM-niń dırektory                       Sandýǵash Dúısenova jeńimpazdarǵa qurmet gramotalary men 500 myń teńge kóleminde aqshalaı sertıfıkattardy saltanatty túrde tabys etti.

Aıta keteıik, baıqaý komıssııasynyń sotyna 80-nen astam joba usynyldy. Biraq bıznes ıdeıalary eń ómirsheń bolyp tabylatyn jáne jańa naryqtyq taýashada ózekti bolyp tabylatyn 10 bastaýshy kásipker ǵana ózderiniń laıyqty marapattaryna ıe boldy. Alaıda, bul aqshalaı qarajattan basqa, jeńimpazdarǵa bıznestiń súıemeldeýimen jáne alǵa jyljýyna qoldaý kórsetiletin bolady. Jas kásipkerler mamandardan keńes alyp, tálimgerlermen jumys jasap, bıznes salasyna qatysty túrli taqyryptarda paıdaly dárister tyńdaı alady. Joba bastalǵannan keıin tórt aıdan keıin, tálimgerler baǵdarlama nátıjelerine taldaý jasaıdy jáne bıznesti ilgeriletýde túzetýler engizedi. Sonymen, Alakól aýdanynyń Lepsi aýylynan Fazyl Aıtov, Aqsý aýdany Saǵabúıen aýylynan Araı Ahmet jáne Jandos Ábýbákirov, Uıǵyr aýdanynyń Shonjy aýylynan Arkenjan Ivraımov, Kegen aýdanynyń Jalańash aýylynan Jańyl Baǵybaeva, Alakól aýdanynyń Qabanbaı aýylynan Erasyl Qydyrbaı, Qaratal aýdanynyń Úshtóbe qalasynan Móldir Saılaý, Qaratal aýdanynyń Úshtóbe qalasynan Aıdar Samyltyrov, Eskeldi aýdanynyń Aldabergenov jáne Panfılov aýdanynyń Bóribaı bı aýylynan Erbolat Toqtasyn jarty mıllıon teńgeniń baqytty ıegerleri atandy.

Jeńimpazdar laıyqty marapattarǵa ıe bolyp, kórsetilgen qurmet úshin alǵystaryn bildirip, senimdi aqtaýǵa tyrysatyndaryn jáne ózderiniń bıznes-josparlaryn iske asyrý úshin qarqyndy jumys isteýdi jalǵastyratyndaryn aıtty. Baıqaý jeńimpazdarynyń atynan Jıhaz daıyndaý jobasymen jeńgen Alakól aýdany, Qabanbaı aýylynyń turǵyny Erasyl Qydyrbaı sóz sóıledi. "Bul baıqaýǵa qatysý, bizdiń budan ári toqtap qalmaı, óz bıznesimizdi odan ári damytý úshin ózindik tramplınge aınaldy. Bólingen qarajatqa bizdiń árqaısymyz óziniń bıznes jobasy úshin qajetti jabdyqty satyp alamyz. Biz úshin ózimizdi dáleldeýdiń úlken múmkindigi boldy, bul múmkindikti eshqashan jiberip almaý kerek. Aýyl jastaryna erekshe kóńil bóle bastaǵanyna qýanyshtymyn, osyndaı baıqaýlardyń jıi ótkizilýin qalar edim. Uıymdastyrýshylarǵa úlken alǵysymdy bildiremin jáne barlyq jeńimpazdardy quttyqtaımyn!", – dedi ol.

Qonaqtar úshin jergilikti "Invaıt" tobynyń jáne respýblıkalyq "Gores" halyq bı ansambli juldyzdarynyń oryndaýyndaǵy mýzykalyq kompozısııalar tosyn syı boldy.

 

Aıdar QALIEV

Ilmek sózder: jetisý

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir