• USD 431.41

  • EUR 452.94

  • RUB 6.92

  • CNY 63.83

20 Mamyr, 11:16:00
Almaty
+20°
Prezıdent Qasym-Jomart Toqaev IV respýblıkalyq ımamdar forýmynyń delegattaryna arnalǵan beıne úndeý joldady. Bul týraly prezıdenttiń baspasóz hatshysy Berik Ýálı facebook paraqshasynda jazdy.
 
"Qurmetti forýmǵa qatysýshylar!
 
Barshańyzdy Qazaqstan musylmandary dinı basqarmasynyń otyz jyldyǵymen shyn júrekten quttyqtaımyn!
 
Bul – búkil musylman qaýymy úshin aıtýly oqıǵa. Dinı basqarma egemendiktiń alǵashqy jyldarynan bastap qoǵamdaǵy turaqtylyq pen tynyshtyqty saqtaýǵa atsalysyp keledi. Sondaı-aq, elimizdegi dástúrli ıslamdy damytýǵa zor úles qosýda. Bıylǵy pandemııa kezinde dinı basqarma kóptegen qaıyrymdylyq sharasyna uıytqy boldy. Jurtshylyqty tatýlyq pen syılastyqqa shaqyrý asa mańyzdy. Bul mindetti bizdiń din basshylarymyz abyroımen atqarýda. Álemde dinı alaýyzdyq órshigen qazirgideı kúrdeli kezeńde din qyzmetkerleriniń róli aıryqsha. Sondyqtan, el ishinde júrgiziletin aǵartýshylyq jumystardyń mazmuny jáne sapasy únemi nazarda bolýy kerek. Meshitterde árdaıym ımandylyqqa, adamgershilikke úndeıtin ýaǵyzdar aıtylǵany jón. Sondaı-aq, bilim men ǵylymǵa qushtarlyq, Otanǵa degen súıispenshilik qasıetterin dáripteýimiz kerek. Azamattarymyzdyń dinı turǵydan saýatty bolýyna jáne jat aǵymdardyń jeteginde ketpeýine sizderdiń qosar úlesterińiz mol. Imamdar men din qyzmetshileri osy jaýapty mindetti keleshekte de oıdaǵydaı atqaratynyna senemin" dep jazdy Berik Ýálı paraqshasynda.
 
Memleket basshysy birqatar ımamdar men ǵalymdarǵa memlekettik marapattar tabys etti.
 
"Qurmetti ımamdar, forým delegattary! Sizderdiń saýapty isterińiz árdaıym elimizdiń bereke-birligin nyǵaıtýǵa arnalǵan. Mundaı ıgi jumys qashanda erekshe qurmetke laıyqty.
 
Sondyqtan, din salasyn damytýǵa aıryqsha úles qosqan birqatar ımamdar men ǵalymdarǵa búgin memlekettik marapattar tabys etiledi. Barshańyzdy quttyqtaımyn! Forým jumysy jemisti bolsyn!
 
Marapattalǵandardyń tizimi:
1. Bekaıdar Ámire – Shymkent qalasynyń «Sheıh Muhammed sadyq» meshitiniń bas ımamy;
2. Myrzabaev Kenjeáli Qońyratbaıuly – Almaty qalasynyń «Qalqaman» meshitiniń bas ımamy;
3. Amanqulov Asylhan О́mirzaquly – Almaty qalasynyń «Ál-Hamıd» meshitiniń bas ımamy;
4. Smanov Ábdijappar Shákiruly – Túrkistan oblysynyń «Saryaǵash» medrese-kolledji dırektorynyń orynbasary;
5. Dáýrenbekov Ábdimútáli Qaınazaruly – Aqtóbe qalasynyń «Aqtóbe» medrese-kolledjiniń dırektory;
6. Qulmuhammed Mahambet Pirmanuly – «Ábý Hanıfa» medrese kolledjiniń dırektory;
7. Rahymjan Saǵynaı Qabdýlýahıtuly – «Aqnıet» aqparattyq nasıhattaý jáne ońaltý ortalyǵy, teolog-keńesshi;
8. Týleshov Zamır Qarataıuly – «Aqnıet» aqparattyq nasıhattaý jáne ońaltý ortalyǵy, bólim bastyǵy" delingen prezıdent baspasóz hatshysynyń paraqshasynda.
 
"Qamshy" silteıdi
Ilmek sózder: Toqaev beıneúndeý

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir