Foto: Vıdeodan alynǵan
Áleýmettik jelide "Túrkistan oblysynda túsirilgen" delingen polısııanyń ustaý opreasııasy men qarý atylǵany kórsetilgen vıdeo tarap jatyr. Vıdeodaǵy mátindik habarlamada oqıǵa saldarynan eki polısııa qyzmetkeri qaza tapqany aıtylǵan. StopFake saıty bul aqparattyń jalǵan ekenin aıtty.
"Shyn máninde, rolıktiń Qazaqstanǵa esh qatysy joq. Ol Reseıde túsirilgen. Vıdeo Youtube-ta birneshe jyl buryn jarııalanǵan" delingen saıt jazbasynda.
– Bul aqparat jalǵan ekenin jáne oqıǵanyń 2014 jyly Reseı aýmaǵynda bolǵanyn habarlaımyz. Sonymen qatar azamattardan jalǵan aqparatty odan ári taratpaýdy suraımyz jáne memlekettik organdardyń resmı derekterine ǵana senýge shaqyramyz. Esterińizge sala keteıik, jalǵan aqparat taratý Qazaqstan Respýblıkasynyń zańnamasyna sáıkes qylmystyq jaýapkershilikke ákep soǵady, – delingen Túrkistan oblysy polısııa departamentiniń resmı habarlamasynda.
Vedomstvonyń habarlaýynsha, jalǵan aqparattyń taralýyna jol bermeý maqsatynda áleýmettik jelilerdegi jarııalanymdarǵa kúndelikti baqylaý júrgiziledi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir