Qytaı áskerı telearnasy AQSh soǵys kemeleri Ońtústik Qytaı teńizine kirgenin habarlasa, "AQSh kemeleri daýly sýlarǵa kirgen kezde Beıjiń soǵys kemeleri oq jaýdyrdy" dep jazdy The US Posts basylymy.

Shyǵys Azııadaǵy ashyq soǵystyń qaýpi kúsheıe tústi. AQSh áskerı-teńiz kemeleri daýly Ońtústik Qytaı teńizine kirgen kezde qytaı áskerı kemeleri atys jattyǵýyn ótkizdi.

AQSh soǵys kemeleri "USS Makin Island" jáne "USS Somerset" Ońtústik Qytaı teńizindegi qarýly aımaqqa kirdi.

"Qytaı áskerı kemeleri kóp uzamaı alys qashyqtyqtaǵy qarýdy qoldana otyryp, atys jattyǵýlaryn ótkizdi" dep habarlady "js7tv" dep atalatyn Beıjiń áskerı bólimine qarasty jańalyqtar saıty.

Operasııaǵa Qytaı flotyndaǵy "056A" tıpti korvetter qatysty.

"Js7tv" telearnasynyń reportajynda qytaılyq jattyǵýda eliktemeli jaý kemesin joıý jáne zymyrandardy ustaý synaqtary bolǵan.

Is-shara kezinde qytaı áskerı kemeleriniń shyn oq-dári atqany beınelengen vıdeorolıkter de jarııalandy.

Qytaılyq kommýnıstik partııanyń Global Times gazeti amerıkalyqtardyń sońǵy áreketterin "bulshyq etterin oınatý" dep aıyptap, "Aq úıde kim otyrsa da, Ońtústik Qytaı teńizi men Taıvan buǵazynda AQSh-qa qarsy turýǵa daıyn bolýy kerek" dep jazǵan.

Al Newsweek-tiń habarlaýynsha, AQSh tyńshylyq ushaqtary daýly aýmaqtyń ústinen ushyp ótkeni týraly habarlanǵan.

Qazirgi ýaqytta AQSh qorǵanys mınıstriniń mindetin atqarýshy Krıstofer Mıller Azııaǵa sapar shegýde.

"Qamshy" silteıdi
Ilmek sózder: Qytaı AQSh

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir