• USD 468.56

  • EUR 497.56

  • RUB 7.3

  • CNY 67.18

29 Naýryz, 18:48:15
Almaty
+35°

Senat tóraǵasy Máýlen Áshimbaev "Zeren" respýblıkalyq jastar bilim berý lageriniń jumysy aıasynda jastarmen kezdesti.

Táýelsizdiktiń qadir-qasıetine, ony saqtaýdyń, ultqa, Otanǵa qyzmet etýdiń mańyzyna toqtalǵan Máýlen Áshimbaev jeltoqsannyń qazaq úshin qasterli aı ekenine erekshe nazar aýdardy.

– Jeltoqsan – qazaq úshin qasterli aı. Onyń ult tarıhyndaǵy orny bólek. О́ıtkeni, bizdi eldik pen egemendikke bastaǵan oqıǵalardyń kóbi osy jeltoqsan aıynda bolǵan. Budan 103 jyl buryn dál osy kúnderi, ıaǵnı, 5-13 jeltoqsan aralyǵynda Orynborda ekinshi jalpy qazaq sezi ótkeni belgili. Sol sezde Alash avtonomııasy jarııalandy. Bul qazaq memlekettiligin qalyptastyrý jolynda jasalǵan mańyzdy qadam boldy. Sol kezde arystarymyz ult bolyp uıysýdyń ozyq úlgisin kórsetip berdi, – dedi senat tóraǵasy.

Sonymen qatar ol osy aıda qazaq jastary erkindikke umtylǵan 86-jylǵy Jeltoqsan oqıǵasy da ótkenin tilge tıek etti.

 

– Jeltoqsan jastarynyń asqaq rýhy men aıbar minezi egemendikke jol ashyp berdi desek, artyq bola qoımas. Jeltoqsan aıynyń alǵashqy kúniniń de tarıhymyzda mańyzy erekshe. Sebebi, 1991 jyldyń 1 jeltoqsanynda halqymyz Tuńǵysh Prezıdentin saılady. Babalarymyz ǵasyrlar boıy ańsaǵan Táýelsizdigimizdi de 1991 jyldyń 16 jeltoqsanynda jarııaladyq, – degen Máýlen Áshimbaev 1997 jyldyń 10 jeltoqsanynda Elbasynyń Jarlyǵymen Aqmolaǵa astana mártebesi berilgenin atap ótti.

 

Sondaı-aq senat tóraǵasy jas býynnyń sapaly bilim alý kerektigin, alǵa bıik maqsattar qoıyp, soǵan jetý úshin talpynyp, talaptaný qajettigin atap ótti.

"Zeren" respýblıkalyq jastar bilim berý lageri 2018 jyldan beri jumys istep keledi. Lagerdiń bıylǵy qorytyndy kezdesýi "Jańa jaǵdaıdaǵy jastar: is-qımyl kezeńi" taqyrybyna arnaldy. Is-sharaǵa senat tóraǵasymen birge Aqparat jáne qoǵamdyq damý mınıstri Aıda Balaeva, prezıdenttik jastar kadrlyq rezerviniń músheleri, jastar birlestikteriniń lıderleri, volonterlar, "Bolashaq" stıpendııasynyń ıegerleri, kolledjder men joǵary oqý oryndarynyń stýdentteri qatysty.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir