Qytaı vaksınasy týraly ne bilemiz?

Álem ǵalymdary koronavırýsqa qarsy vaksına jasaýdy jalǵastyrýda. Onyń ishinde Qytaı ǵalymdary da bar. Qytaı sınovak vaksınasyn jasap, ony synaqtan ótkizýde, dep jazady BBC.

Beıjiń vaksınasy Indonezııaǵa jetkizildi. Qańtarǵa deıin taǵy 1,8 mıllıony jetkiziledi dep josparlanýda. Alaıda vaksına testileýdiń sońǵy satysynda.

Qytaı vaksınasynyń basqa vaksınalardan aıyrmashylyǵy

Koronavırýs vaksınasy ımmýndyq júıege zaqym keltirmeıtindeı óli vırýs bólshekteri aǵzaǵa engizilý arqyly jumys isteıdi.

Sınovak vaksınasynyń bir artyqshylyǵy ony tońazytqyshta 2-8 gradýsta saqtaýǵa bolady. Kóp vaksınalar -20C saqtalýy kerek, al Pfizer vaksınasyn -70S temperatýrada ǵana saqtaýǵa bolady. Sınovak pen oksford vaksınasy damýshy elder úshin yńǵaıly. Mıllıondaǵan vaksınany tómen temperatýrada saqtaıtyn arnaıy tońazytqyshqa shyǵyndanýdyń qajeti joq.  

Vaksına tıimdi me?

The Lancet jýrnalynyń málimetine sáıkes, ázirshe koronavırýs vaksınasynyń alǵashqy jáne ekinshi satysyndaǵy synaq nátıjesi ǵana tanystyryldy. Qujat avtorlarynyń biri Jý Fengsaı (Zhu Fengcai) birinshi kezeńde 144 adam, ekinshi kezeńde 600 adam qatysqan tekserý nátıjesinde vaksınany tótenshe jaǵdaı kezinde qoldanýǵa bolatyny anyqtalǵan.

Qyrkúıekte Sınovak vaksınasy myńnan astam eriktige salynǵan. Onyń 5%-y jaısyzdyq sezingen. Brazılııada qazanda ólim jaǵdaıy tirkelgendikten vaksınalaý toqtatyldy. Alaıda tekseris barysynda eriktiniń ólimine vaksınanyń qatysy joq ekeni anyqtaldy.  

Jylyna qansha vaksına jasap shyǵarady?

Sınovak kompanııasy jylyna 300 mıllıon vaksına jasaıdy. Basqa vaksınalar sekildi sınovak vaksınasy eki ret salynýy qajet. Ázirshe vaksına jylyna 150 mıllıon adamǵa salýǵa jetedi. Bul Qytaı halqynyń onnan bir bóligi. Dese de atalmysh vaksına Indonezııa, Túrkııa, Brazılııa men Chılıge jetkizildi.

Sarapshylar Qytaıdyń vaksınaǵa qatysty dıplomatııalyq jarysta jeńýi úshin baryn salyp jatqanyn aıtady. Qytaı vaksınasynyń baǵasy ázirshe belgisiz. Bıyl eki vaksınany 200 ıýanǵa baǵalaý týraly usynys aıtylǵan. Indonezııada 200 000 rýpııge satylýy múmkin. Bul – oksford vaksınasynan qymbatyraq.