• USD 424.85

  • EUR 504.21

  • RUB 5.84

  • CNY 65.86

27 Qarasha, 14:35:22
Almaty

09 Jeltoqsan, 2020 Barlyq aımaqtar

Májilis kredıtke qatysty zań jobasyn maquldady

Májilistiń jalpy otyrysynda mıkroqarjylyq jáne kollektorlyq qyzmetti retteý máseleleri týraly zań jobasy qaraldy.

Foto: mail.kz

Mıkroqarjy uıymdary azamattarǵa kredıt bergen kezde, onyń paıyzyn qosqandaǵy jalpy somany kelisimsharttyń birinshi betinde kórsetýge tıis. Májilis qazaqstandyqtardyń kredıtti tym kóp alýyna jol bermeý maqsatynda ázirlengen zań jobasyn birinshi oqylymda maquldady, dep habarlady Hola news.

Májilistiń jalpy otyrysynda mıkroqarjylyq jáne kollektorlyq qyzmetti retteý máseleleri týraly zań jobasy qaraldy. Zań jobasy azamattardyń kredıtti budan ári tym kóp alýyna jol bermeý jáne tutynýshylyq kredıt berýdiń ońtaıly ósý qarqynyn qamtamasyz etý maqsatynda ázirlendi. Qujatty tómengi palatanyń depýtattary ázirlegen.

Májilismen Albert Raýdyń aıtýynsha, Qazaqstanda azamattardy ońdy-soldy kredıtteý problemasy áli sheshilmeı keledi.

Birinshi kredıttik bıýronyń málimetinshe, 2020 jyldyń 1 qarashasyndaǵy jaǵdaı boıynsha mıkroqarjy uıymdarynan 170 myń kásipker men 810 myń jeke tulǵa qaryz alǵan. Nesıeniń jalpy somasy 735 mıllıard teńgeden asady. Bólshek nesıe boıynsha qaryz alýshylardyń 38%y, shamamen 310 myń adam kredıtin tóleı almaı júr.

– Azamattardy qosymsha qorǵaý maqsatynda depýtattar mıkroqarjy jáne kollektorlyq qyzmetti retteý máseleleri týraly zań jobasyn ázirledi. Oǵan sáıkes, mıkrokredıt berý týraly kelisimniń alǵashqy betinde kredıttiń tolyq somasy (kredıttiń paıyzyn qosqanda, ústine qansha teńge qosyp tóleıtini), sondaı-aq mıkrokredıtti óteý kestesi kórsetilýge tıis, – dedi depýtat.

Budan bólek, zań jobasy kollektorlyq agenttikterdiń jaýapkershiligin arttyrýǵa baǵyttalǵan. Májilismender olardyń jarǵylyq kapıtalynyń eń tómengi mólsherin 10 mıllıon teńge dep belgileýdi usynyp otyr.

Depýtat jarǵylyq kapıtalǵa qatysty talaptardy engizýdiń negizi bar ekenin atap ótti. 

– Máselen, aktıvter aqparatty saqtaý, jeke málimetterdi qorǵaý, aýdıo-vıdeofıksasııa, keńse ustaý  jáne taǵy basqa úshin qajet, – dedi Raý.

Onyń aıtýynsha, zań jobasyn qabyldaý halyqtyń qaryzǵa belshesinen batýyna jol bermeıdi.

Májilis zań jobasyn birinshi oqylymda maquldady.

"Qamshy" silteıdi
Ilmek sózder: Kredıt nesıe

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir