Depýtat: Muǵalimderdiń jalaqysyna qosymsha aqy engiziledi

Depýtat Maıra Arapqyzy balalar men jasóspirimder sportyn damytýǵa basa nazar aýdarý qajettigin jáne  dene shynyqtyrý pániniń muǵalimderine qosymsha aqy engiziletinin aıtty. 

– Balalar men jasóspirimder sportyn damytý – basa nazar aýdarýdy talap etedi. Sebebi densaýlyqtyń irgetasy jáne dene shynyqtyrýǵa degen kózqaras bala kezden bastap qalyptasady. Balalardyń sport seksııalary men úıirmelerin jan basyna qarjylandyrý negizinde qoldanystaǵy zańnamaǵa memlekettik, sporttyq jáne shyǵarmashylyq tapsyrystar tetigin engizý kózdeledi. Bul rette memlekettik, sporttyq jáne shyǵarmashylyq tapsyrystardy qalyptastyrý ádistemesin ázirleý qajet, – dedi depýtat.

Onyń aıtýynsha, dene shynyqtyrý jáne sportpen aınalysatyn halyqtyń neǵurlym belsendi úlesi jalpy bilim beretin mektep oqýshylary.

– Sondyqtan yntalandyrý maqsatynda kelesi jyldyń 1 qańtarynan bastap  dene shynyqtyrý pániniń muǵalimderine sabaqtan tys sport sabaqtary úshin qosymsha aqy engiziledi, – dep atap ótti M. Arapqyzy.