Taǵy 9 adam koronavırýstan qaıtys boldy

Densaýlyq saqtaý mınıstrligi koronavırýs ınfeksııasyn juqtyrǵandar týraly sońǵy derekterdi habarlady.

Mınıstrlik málimetinshe, bir kúnde 729 adamnan koronavırýs, 215 adamnan pnevmonııa anyqtalǵan, 9 adam koronavırýstan qaıtys bolǵan. 

Vedomstvo dereginshe, qazirgi ýaqytta koronavırýs ınfeksııasynan 13986 adam em qabyldaýdy jalǵastyryp jatyr. Olardyń arasynda 1 003 bala bar. Stasıonarlarda 3 747 naýqas jatyr. 10 239 adam ambýlatorııalyq jaǵdaıda emdelýde.

Naýqastardyń arasynda 231 adamnyń ahýaly nashar. Sonyń ishinde 33 naýqastyń ahýaly asa qatty aýyr. 38 naýqas ókpeni jasandy jeldetý apparatynda jatyr.

Qazaqstanda COVID-19 tirkelgen alǵashqy kúnnen búginge deıin 138 382 adamnan koronavırýs anyqtalǵan. Onyń ishinde 2105 adam qaıtys bolǵan. 1 tamyzdan bastap júrgizilgen pnevmonııa statıstıkasyna sáıkes, osy kúnge deıin 43 339 adamnan pnevmonııa anyqtalyp, 456 adam kóz jumǵan.