• USD 468.56

  • EUR 497.56

  • RUB 7.3

  • CNY 67.18

29 Naýryz, 09:18:02
Almaty
+35°

Shymkent qalasy jáne Shyǵys Qazaqstan, Aqmola, Qostanaı, Batys Qazaqstan, Qyzylorda, Almaty oblystarynda karantın sharalary kúsheıtiledi. Bul týraly oblystardyń bas sanıtar dárigerleri málimdedi.

Shymkent qalasynyń bas sanıtar dárigeri Ábdimanap Týlebaev karantındi kúsheıtýge qatysty jańa qaýly shyǵardy.

"Shymkent qalasynyń aýmaǵynda 7 jeltoqsan saǵat 00:00-den bastap 21 jeltoqsany saǵat 00:00-ge deıin karantın jáne shekteý sharalary uzartylsyn" delingen qaýlyda.

 Jańa qaýlyǵa sáıkes: 

  • qoǵamdyq tamaqtaný nysandary jáne saýda-oıyn-saýyq keshenderiniń jumysy, demalys jáne mereke kúnderi saǵat 07:00-den 23:00-ge deıin shekteledi;
  • saltanatty is-sharalardy ótkizýge tyıym salynady (banket, toı, eske alý, týǵan kún, mereıtoı, shyǵaryp salý, qudalyq);
  • Ashyq alańdaǵy kınoteatrlarda arnaıy sanıtarlyq talaptar qatań saqtalýǵa tıis.

Shyǵys Qazaqstan oblysynyń bas sanıtar dárigeri H. Ilıýbaev koronavırýs ınfeksııasynyń aldyn-alý úshin qaýlyǵa jańa ózgerister men tolyqtyrýlar engizdi.

Karantın sharalary 04 jeltoqsan saǵat 00:00-den bastap 17 jeltoqsan saǵat 00:00-ge deıin uzartylady.

Qaýlyǵa sáıkes:

  • Semeı, Rıdder, Kýrchatov qalalarynyń jáne aýdandardyń perımetri boıynsha shekteý sharalarynyń qoldanylý shekaralary saqtalýy kerek;
  • korporatıvtik, saltanatty, otbasylyq jáne basqa da buqaralyq is-sharalardyń ótkizilmeýi baqylanady;
  • 65 jastan asqan adamdarǵa jáne halyqtyń áleýmettik qorǵalatyn toptaryna birinshi kezekte qajetti taýarlardy, azyq-túlik pen dárilik zattardy jetkizýmen aınalysatyn volonterlerdiń jumysyn jalǵastyrýyna ruqsat etiledi;
  • kireberis, lıfti, parkıngterde dezınfeksııa jumystary júrgiziledi;
  • sanıtarlyq talaptardy saqtaı otyryp halyqtyń kóshede jáne skverlerde, saıabaqtarda, alańdarda, jaǵalaýlarda, serýendeý aımaqtarynda júrip-turýlaryna ruqsat etiledi;

Aqmola oblysynyń bas sanıtar dárigeri Aınagúl Mýsına karantın sharalary týraly qaýlyǵa ózgerister men tolyqtyrýlar engizdi.

Qaýlyǵa sáıkes:

  • azyq-túlik, birinshi kezekte qajetti taýarlar, dári-dármek jáne medısına buıymdaryn satyp alý úshin syrtqa shyǵýǵa ruhsat;
  • shuǵyl jaǵdaı boıynsha medısına mekemesine barýdy qospaǵanda, barlyq turǵyndarǵa, ásirese 65 jastan asqan adamdarǵa asa qajetti sebeptersiz úılerinen saǵat 21:00-den 06:00-ge deıin shyqpaý usynylady.

Sondaı-aq sanıtar beketterde tómendegi sanattaǵy tulǵalarǵa oblystan kedergisiz kirip/shyǵýǵa ruqsat etiledi:

  • medısına kórsetkishteri boıynsha kiretin jáne shyǵatyn adamdar;
  • tranzıttik jolaýshylar men júk tasymaldaýshylary;
  • vahta qyzmetkerlerin tasymaldaıtyn kólik quraldary;
  • COVID-19 taralýynyń aldyn alý jónindegi is-sharalaryna tartylǵan kólikter men adamdar, uıymdar;
  • tirshilikti qamtamasyz etetin kásiporyndar (onyń ishinde jabdyqtardy baptaý boıynsha servıstik qyzmet kórsetýdi qamtamasyz etetin kásiporyndar), kólikter men adamdar, uıymdar;
  • azyq-túlik emes dúkenderdiń qyzmeti, demalys kúnderi saǵat 09:00-den 20:30-ǵa deıin;

Qostanaı oblysynyń bas sanıtar dárigeri V. Nechıtaılo eldegi epıdemıologııalyq jaǵdaıdy eskere otyryp karantın sharalaryn kúsheıtti.

"14 jeltoqsan saǵat 00:00-den bastap Qostanaı oblysy eldi mekenderiniń aýmaǵy boıynsha turǵyndardyń maska rejımin, áleýmettik qashyqtyqty saqtaı otyryp, 3 adamnan aspaıtyn toppen nemese bir otbasy múshelerimen ýaqyt boıynsha shekteýsiz júrip-turýyna ruqsat beriledi" delingen qaýlyda.

Qaýlyǵa sáıkes:

  • oblysta turǵyndardyń júrip-turýy saǵat 23:00-den 06:00-ge deıin shekteledi;
  • saýda keshenderiniń, saýda úıleriniń, saýda jelileriniń, azyq-túlik emes dúkenderdiń qyzmetine ruqsat beriledi;
  • basseınderdiń qyzmetine aldyn ala jazylý boıynsha ruqsat beriledi;

Qaýly 2020 jyldyń 09 qarasha saǵat 00:00-den bastap kúshine enedi jáne 2020 jyldyń 14 jeltoqsan saǵat 00:00-ge deıin qoldanylady.

Batys Qazaqstan oblysynyń bas sanıtar dárigeri M.Aryspaev turǵyndar arasynda koronavırýs ınfeksııasynyń aldyn alý úshin jańa qaýlysyn shyǵardy.

Qaýlyǵa sáıkes: 

  • BQO eldi mekenderiniń aýmaǵynda halyqtyń qozǵalysy saǵat 00:00-den 6:00-ge deıin shekteledi;
  • Oıyn-saýyq, sporttyq is-sharalardy, kórmelerdi, forýmdardy, konferensııalardy, jańa jyldyq is-sharalardy sondaı-aq otbasylyq, estelik is-sharalardy ótkizýge tyıym salynady;
  • koronavırýs ınfeksııasynyń aldyn alýǵa baǵyttalǵan epıdemııaǵa qarsy is-sharalarǵa tartylǵan jáne halyqtyń tynys-tirshiligin qamtamasyz etetin qyzmetterdi qospaǵanda, memlekettik organdar men kvazımemlekettik sektor uıymdary qyzmetkerleriniń keminde 50%-y "qashyqtyqtan" jumys túrine aýysady;
  • Halyqqa qyzmet kórsetý ortalyqtary jumys kúnderi (dúısenbi-juma) saǵat 9:00-den 18:00-ge deıin, senbi kúnderi saǵat 9:00-den 14:00-ge deıin isteıdi;
  • sulýlyq salondary, shashtarazdar, kosmetologııalyq qyzmet kórsetetin nysandar, ЅRA ortalyqtaryna (salondar) aldyn ala jazylý boıynsha qabyldanady.

Qaýly 2020 jyldyń 9 jeltoqsanynda zańdy kúshine enedi.

Almaty oblysynyń bas sanıtar dárigeri Erǵalı Sydymanov karantındik jańa shekteý sharalary 10 jeltoqsan saǵat 7:00-den bastap kúshine enetinin eskertti.

Qaýlyǵa sáıkes: 

  • 50-den asa otyratyn orny bar qoǵamdyq tamaqtaný obektileriniń (ashana, dámhana, kofe, meıramhanalardyń jáne basqa da mekemelerdiń) jumysy toqtaıdy;
  • Qoǵamdyq kóliktiń jumysy 23.00-ge deıin uzartylady;
  • Bir otbasy múshelerin qospaǵanda, 3 adamnan artyq júrýge tyıym salynady;
  • 65 jastan asqan adamdardyń kóshege shyǵýyna shekteý qoıylady;
  • Halyqqa qyzmet kórsetý ortalyqtarynyń jumysy 09:00-den 18:00-ge deıin, al demalys kúnderi 9:00-den 15:00-ge deıin isteıdi.

Qyzylorda oblysynyń bas sanıtar dárigeri A.Abdıkaımova karantın sharalary týraly №28 qaýlysyna ózgerister engizgenin málimdedi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir