«Aqtóbe Halyqaralyq áýejaıy» júk tasymaly jóninen Nur-Sultan, Almatydan keıingi úshinshi orynǵa jetti

Oblys ákimi Ońdasyn Orazalın «Aqtóbe Halyqaralyq áýejaıynda» boldy. Aımaq basshysyna AQ-nyń basqarma tóraǵasy Dastan Malıev 11 aıda atqarylǵan jumystardy tanystyryp, josparlarmen bólisti. Bıyl áýejaıdy qardan, qoqystan tazalaý qyzmetterin atqarýǵa quny 187 mln tg arnaıy tehnıkalar satyp alyndy.  Máselen karerlik samosval, vakýýmdyq-jınaý mamandyrylǵan avtomobıli, tirkeme, sondaı aq, jolaýshylardy tasymaldaýǵa arnalǵan eki birdeı perrondyq avtobýspen jańartyldy.
2019 jyldyń osy kezeńimen salystyrǵanda bıyl qarasha aıynda jolaýshylar aǵyny 35% - ǵa; júk aǵyny 400% - ǵa; reıster 30% - ǵa artty.
Qazirgi ýaqytta jolaýshylar reısteri 4 ishki baǵyt boıynsha jáne 1 halyqaralyq baǵyt boıynsha, aptasyna 80-nen astam reıs oryndalady. Júk reısteri 4 baǵytta oryndalady, aptasyna 20-dan astam reıs.
2020 jyly 11 aıynda áýejaıǵa túsetin qarjy kólemi 600 mlnt tg qurady .Bul birinshi kezekte kútiletin júk reısterine qyzmet kórsetýmen baılanysty.  Basqarma tóraǵasynyń aıtýynsha 2019 jyly áýejaıda kórsetilgen júk tasymaly qyzmeti 470 tonnany qurasa, 2020 jyly 2000 tonnaǵa qyzmet kórsetilip, elimiz boıynsha Nur-Sultan, Almaty áýejaılarynan keıingi úshinshi áýejaı bolyp otyr. Sondaı-aq, áýejaı kommýnaldyq menshikke ótýine oraı, pandemııalyq ahýalǵa qaramastan mundaǵy jumys jasaıtyn 512 azamattyń ortasha jalaqylary 40% kóterilgen. Odan ózge, áýejaıǵa jóndeý jumystary júrgizilip, jolaýshylarǵa yńǵaıly jaǵdaılar jasalýda. Qyzmet kórsetýshi mamandardyń formasy qyzyl túspen ózgertilgen. Oblys ákimi Ońdasyn Orazalın kútý zalyn aralap, áýejaıda júzege asyrylyp jatqan jumystardy qarady. “Aqtóbe Halyqaralyq áýejaıy” AQ Basqarma tóraǵasyna jolaýshylarǵa kórsetiletin qyzmet sapasyn odan ári damytýdy, standartqa saı jaǵdaı jasalý qajettigin tapsyrdy.