Almaty ákimi Baqytjan Saǵyntaevtyń tapsyrmasymen jáne COVID-19 ekinshi tolqynyna daıyndyq aıasynda qalada balalar men qart adamdarǵa tegin profılaktıkalyq tekserý júrgizilýde.

Túrksib aýdanynda profılaktıkalyq tekserýlar júrgizý jaıly №19 Qalalyq emhananyń bas dárigeri Kámshat Aıtqazına О́ńirlik kommýnıkasııalar qyzmetine bergen onlaın-suhbat barysynda aıtyp berdi.

TJ rejımi men karantın kezinde profılaktıkalyq tekserýlerdiń júrgizilmeýine baılanysty, halyqtyń áleýmettik jaǵynan eń álsiz toptaryn tekserýmen qamtý sheshimi qabyldandy. Birinshi kezekte, bul kóptegen sozylmaly aýrýlary bar jasy úlken adamdar toby (65 jáne odan joǵary jastaǵy) jáne 16 jasqa deıingi balalar.

Túrksib aýdanynda 7 medısınalyq uıym jumyldyrylǵan, onda 242 081 adamǵa qyzmet kórsetiledi, onyń ishinde 16 jasqa deıingi balalar 66 460-ty qurasa, 65 jastan asqan 20 918 adamdy quraıdy. Dıspanserlik esepte eresek jastaǵy topta 15 543 adam jáne 12 712 bala bar.

K. Aıtqazınanyń aıtýyna qaraǵanda, profılaktıkalyq tekserýlar júrgizýde áleýmettik jaǵdaıy álsiz otbasylardan shyqqan balalarǵa, bul kópbalaly otbasylarǵa, bir ǵana ata-ana tárbıelep otyrǵan balalarǵa, múmkindigi shekteýli balalarǵa erekshe kóńil bólinedi.

«Medısınalyq uıymdarmen birinshi kezekte nysanaly toptar qurylyp, mýltıdıssıplınarlyq komandalardyń quramy bekitilip, arnaıy úıge shaqyrtý boıynsha barý kestesi jasaldy», — dedi bas dáriger.

Osylaısha, 12 760 balany jáne 65 jastan asqan 11 700 adamdy tekserý josparlanǵan.

Onyń ishinde kópbalaly otbasylardan — 608 bala. 1 ata-ana tárbıelep otyrǵan balalardan — 104 bala. Múmkindigi shekteýli balalardan — 415 bala.

Quramynda:
- 65 jastan asqan adamdar úshin jalpy tájirıbelik dáriger medbıkesimen, nevropatolog, kardıolog, otolarıngolog;
- balalar úshin pedıatr dáriger, nevropatolog, okýlıst, otolarıngolog, balalar hırýrgi bar brıgadalar quryldy. Patologııa anyqtalǵan jaǵdaıda, pasıentter esepke alynyp, densaýlyǵynda anyqtalǵan aqaýlarǵa baılanysty, em taǵaıyndalady.

Naýryz aıynan tamyzǵa deıin karantındik sharalar engizilgenin eskere otyryp, kóptegen dıspanserlik naýqastar merzimdi dıspanserlik tekseýden ýaqytyly óte almady, sol sebepti bir jaǵynan tolyqtaı tekserý júrgizý, ıaǵnı, flıýrografııalyq tekserý, ish qýysy organdaryna jáne búırekke ýltradybystyq tekserý, jalpy qan taldaýy, jalpy zár taldaýy, qannyń bıohımııalyq taldaýy, arterııalyq qysym men kóz qysymyn ólsheý júrgizý josparlanǵan.

«Aýrý belgileri boıynsha qart adamdarǵa kúndizgi stasıonarda, úı stasıonarynda em taǵaıyndalady, sonymen birge, tegin dárilik quraldardy jetkizý qamtamasyz etiledi», — dep atap ótti K. Aıtqazına.

Nysanaly top pen qaýipti toptaǵylar COVID-19 juqtyrýǵa áldeqaıda beıim ekenin eskere otyryp, mýltıdıssıplınarlyq toptar aqparattyq jumysqa erekshe nazar aýdarýda.

Budan basqa, halyqty koronavırýs ınfeksııasynyń jeke jáne qoǵamdyq aldyn alý sharalary týraly aqparattandyrý emhanalardyń saıttarynda, áleýmettik jelilerde jáne qoǵamdyq oryndarda aqparat, beınerolıkter ornalastyrý arqyly júrgiziledi.

Sonymen birge, aqparattyq býkletter ázirlenip, Almaty qalasy halqynyń arasynda taratyldy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir