Almatyda ınternetke qoljetimdilik jáne onyń sapasyn jaqsartý boıynsha kóp jumystar jasaldy. Bul týraly О́ńirlik kommýnıkasııalar qyzmeti alańynda ótken onlaın-brıfıng barysynda qalanyń Sıfrlandyrý basqarmasynyń basshysy Baıan Qońyrbaev aıtty.

«Bul jumysty biz bir jyl buryn bastadyq. Nátıjesinde bizde Almaty qalasy boıynsha 200-den astam núkte bar, baılanysy nashar bolǵandary jabyldy. Qala jáne aglomerasııa perımetri boıynsha jekemenshik sektordaǵy núktelerdi jabýǵa nazar aýdarylýda», — dep atap ótti B. Qońyrbaev.

Basqaramanyń málimetinshe, QR Sıfrlyq damý, ınnovasııalar jáne aeroǵarysh ónerkásibi mınıstrligi uıaly baılanys operatorlarymen birlesip antenna-dińgek qurylystaryn salý jáne bazalyq stansııalardy ornatý úshin 67 núkte anyqtalǵan bolatyn. Bul núkteler uıaly baılanys operatorlary men Almaty qalasy ákimdiginiń ókilderimen kelisildi. Barlyq meken-jaılardyń ishinen 6 núkte barlyq qajetti ınstansııalardan oń qorytyndy aldy, bireýi sanıtarlyq normalarǵa qatysty másele boldy, biraq sanıtarlyq pasport alyndy.

«LC Commerce» JShS kompanııasymen jańa 25 núkte boıynsha zertteýler júrgizildi jáne «MT-S» JShS-men radıo-josparlaý boıynsha máseleler kelisildi. «Mobaıl Telekom-Servıs» JShS osy núkteler boıynsha sanıtarlyq pasporttardy alý úshin jumys isteýde.

«Kar-Tel» JShS 12 jańa stansııany iske qosty, sondaı-aq 3 núkte boıynsha jumystar júrgizilýde. Qosymsha, Almaty qalasynyń jaqyn meken-jaılar boıynsha 9 bazalyq stansııa iske qosyldy.

«Kcell» AQ jańa bazalyq stansııalardy montajdaý boıynsha jumystar júrgizilip jatqan 6 mekenjaı boıynsha Aqjar shaǵyn aýdanyndaǵy Ánshiqum k-si, 1 (Naýryzbaı aýdany), Zarıa-Vostok shaǵyn aýdanyndaǵy Sadovaıa k-si, 166 (Alataý aýdany) jáne Abaı k-si, 90 (Bostandyq aýdany) stansııany iske qosty. Qalǵan 3 núkte boıynsha jumystar jalǵasýda.

Búgingi tańda Bilim basqarmasymen birlesip ınternetpen qıyndyqtar baıqalatyn núkteler pysyqtalýda, sondaı-aq bilim basqarmasy bergen núkteler boıynsha keminde eki mobıldi operator qamtylǵan.

Sondaı-aq jeke ınvestorlar «Bılaın» kompanııalarynyń jańa stansııasyn iske qosty. Keńsaı shaǵyn aýdanynda aǵymdaǵy jyldyń jeltoqsan aıynyń ortasyna josparlanǵan jańa bazalyq stansııany ornatý boıynsha jumystar júrgizilýde.

«Jańa bazalyq stansııalardy ornatý turǵyndardyń radıofobııasy sııaqty, sondaı-aq, naqty Keńsaı shaǵyn aýdany boıynsha taýly jerler bolǵandyqtan oryn tabý máselesi qıyndaıdy», — dep qorytyndylady B. Qońyrbaev.

"Qamshy" silteıdi
Ilmek sózder: Almaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir