almaty.tv
Almatyda belgili kompozıtor Nurolla Ǵazızovtyń qurmetine memorıaldyq taqta ornatyldy.
Ol KSRO Kompozıtorlar odaǵynyń múshesi, kameralyq jáne sımfonııalyq mýzyka janrynyń sheberi. Bala kúninen mýzykaǵa áýes bolǵan Nurolla Ǵazızuly 30 jasynda-aq Keńes odaǵynyń úzdik kompozıtory atanǵan. Búginde kózi tiri bolǵanda, sazger 80 jasqa tolar edi.
«Jeldiń soǵysyn, bıdaılardyń qozǵalysyn, atam deıdi, jetkize bilgen deıdi. Aınalasynda adamdar kóp bolatyn, bári osy úıden shyqpaıtyn. Sonda ómiriniń ótip bara jatqany ma dep oılaımyn. Dostary kóp boldy», – dedi N. Ǵazızovtyń jary Rysqaısha Baıahmetqyzy.
«Árbir shyǵarmasy halyqtyń rýhyn, ultymyzdyń ıisin, onyń tynys-tirshiliginen habar berip turady. Sondyqtan ónerge talpynyp júrgen bolashaq kompozıtorlar Nurollanyń shyǵarmashylyǵymen etene tanysyp, úlgi alsa eken dep oılaımyn. Qazaq eli jasaı bersin!» – dedi aqyn, kúıshi Talap Qarash.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir