• USD 424.85

  • EUR 504.21

  • RUB 5.84

  • CNY 65.86

20 Qazan, 07:54:07
Almaty
+11°

Kisilik pen izgiliktiń kiltin usynǵan kemeńger, oıshyl Abaı Qunanbaıulynyń 175 jyldyǵyna oraı Qazaq ulttyq qyzdar pedagogıkalyq ýnıversıtetinde «Abaı murasy – amanat!» atty halyqaralyq tanymdyq jıyn ótti.

Tarıh jáne shetel tilderi ınstıtýty muryndyq bolǵan onlaın formattaǵy taǵylymdy sharaǵa otandyq jáne túrkııalyq joǵary oqý oryndarynyń ǵalymdary men bilim alýshylary qatysty.

Basqosýda Abaı atyndaǵy Qazaq ulttyq pedagogıkalyq ýnıversıtetiniń Nemat Kelimbetov atyndaǵy Túrkitaný ortalyǵynyń bas ǵylymı qyzmetkeri Márlen Ádilov Abaı «Qara sózderiniń» qoljazbasy týraly, Túrkııanyń Tokat Ǵazıosmanpasha ýnıversıtetiniń Túrik tili men ádebıeti bóliminiń meńgerýshisi, Abaı eńbekteriniń qoljazbasyn zerttegen ǵalym Erjan Petek pen Mýgla Sytky Kochman ýnıversıtetiniń dosenti, aqyn shyǵarmalaryn túrik tiline aýdarǵan izdenýshi Ekrem Aıan uly shaıyr shyǵarmashylyǵy jaıynda paıymdy pikirlerin aıtyp, tyń málimetterimen bólisti. Sonyń ishinde Erjan Petek óziniń avtorlyǵymen jaryq kórgen «Abaı Qunanbaıuly – Ǵaqlııa kitaby» týraly áńgimeledi.

"Eńbekte Abaıdyń 1907 jyly Múrseıit Bikeuly tarapynan arab qaripterimen hatqa túsirilgen qara sózderi berilgen. Arab grafıkasymen jazylǵan qara sózder qoljazbasy qaıtadan oqylyp, onyń jańa transkrıpsııasy usynylǵan. Jumysta qoljazbanyń tolyq grammatıkalyq ındeksi de oqyrman nazaryna usynylǵan", – dedi ol.

Ǵalymnyń aıtýynsha, búginge deıin Abaı shyǵarmalarynyń jınaǵy qansha ret jarııalansa da, qoljazba, transkrıpsııa jáne ındeksi tolyq qamtylǵan basylym áli shyǵarylǵan joq. Biz oqyp júrgen nusqalardyń barlyǵy oqyrman qaýymǵa beıimdelip, osy kúngi ádebı til normalaryna saı ózgertilgen. Osy olqylyqtyń ornyn bul zertteý eńbegi toltyrady dep oılaımyz dep pikir bildiredi túrkııalyq izdenýshi.

Jıynda Qyzdar ýnıversıtetiniń Shetel tilderin oqytý ádistemesi kafedrasynyń bilim alýshylary Abaıdyń «Tolyq adam retinde» qalyptasýy jaıynda tanymdyq baıandamalar jasap, hákimniń «Qara sózderin» shet tilderinde naqyshyna keltire oryndady. Sonymen qatar «Jelsiz túnde jaryq aı» sııaqty belgili ánderdi túrik tilinde shyrqady. Sheteldik izdenýshilerge taqyryp tóńireginde saýaldar qoıyp, bilimderin jetildirdi. Jıynniń joǵary deńgeıde ótýine Aqylaı Alǵabek, Baqnur Tasbolat, Balnur Malıkova, Armangúl Rysbek, Lobarhan Nasırova, Jansaıa Sekenova, Gaýhar Amantaeva, Indıra Bekdáýletova syndy bilim alýshylar eleýli úles qosyp, jurtshylyqty ónerlerimen tánti etti.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir