• USD 424.85

  • EUR 504.21

  • RUB 5.84

  • CNY 65.86

08 Jeltoqsan, 08:55:32
Almaty
+6°

Shyǵystaǵy Kúrshim aýdanynda Uly Abaıdyń 175 jyldyǵyna oraı alań ashyldy. Bul týraly Altaynews habarlady.

Alańnyń qaq ortasyna hakimniń alyp eskertkishi qoıyldy. Qoladan quıylǵan aqynnyń sulbasynyń jalpy bıiktigi – 6 metr. 10 myńnan astam turǵyny bar aýdan ortalyǵynda buryn uly Abaıdyń esimi berilgen birde-bir nysan bolmaǵan.

Sondyqtan jalpy aýmaǵy birneshe gektar bolatyn ortalyq alańǵa Abaıdyń esimi berildi. Al saıabaq tolyq abattandyrylyp, jan-jaǵyna jaryq qoıyldy.

Bul bolashaqta túrli mádenı sharalardy túnde de ótkizip, halyqtyń emen-erkin serýendeýine de múmkindik beredi.

Sondaı-aq alańnyń ár jerine mýzykaly sýburqaq ornatyldy. Uzyndyǵy 20, eni 10 metrlik sý burqaqty salýǵa aýdandaǵy kásipkerlerde qol ushyn berdi.

Bıyl Kúrshim aýdany ortalyǵynda 4 kósheniń joly tolyq jóndelip, abattandyryldy. Bul jumystardyń bári shekaralyq aýdandy damytý boıynsha atqaryldy. Al aýdandaǵy jalpy eldi mekenderdiń ınfraqurylymyn jóndeýge bıyl 5 mlrd-qa jýyq teńge bólindi.

"Munyń bári halyq úshin, keıingi urpaq úshin. Eskertkishtiń, alańnyń úgit-nasıhat, ıdeologııaǵa mańyzy óte zor. Biz negizi sózimizdi Abaımen bastap, urpaqty Abaımen tárbıelesek, keleshekte utylmaıtynymyz haq", - deıdi aqyn Qasen Zákárııa.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir