• USD 424.85

  • EUR 504.21

  • RUB 5.84

  • CNY 65.86

24 Qańtar, 13:14:17
Almaty
-2°

Ábilhan Qasteev atyndaǵy óner mýzeıinde «Abaı – halyq danalyǵy. Abaı beınesi – Qazaqstan sýretshileriniń kózimen» atty kórme ashyldy. Bul týraly Almaty.tv habarlady.

Kórmege mýzeı qorynan 70-ten astam Abaı beınesi men shyǵarmashylyǵyna arnalǵan ár kezeńdegi sýretshilerdiń túrli janrdaǵy týyndylary qoıyldy. Jalpy otandyq sýretshiler Abaıdyń beınesin qylqalamǵa 1930 jyldardan beri arqaý ete bastaǵan. О́nertanýshy Gúljazıra Muqajanovanyń sózinshe, aqynnyń beınesin 1934 jyly alǵash bolyp Ábilhan Qasteev beınelegen. Sýretshi Abaıdyń kıiz úı qasynda otyrǵan kórinisin salady. Al 1945 jyly Qasteev akvareldiń kómegimen kitap ustaǵan bala Abaıdy sýretteıdi.

"Árıne, ol kezdegi sýretshiler jazýshynyń obrazyn qalyptastyrýǵa úlken kúsh saldy. Tereń oıǵa batqan fılosoftyń, oıshyldyń kelbetin, obrazyn jasaý ońaı bolmady. О́ıtkeni Abaıdyń eki ulymen túsken jalǵyz ǵana shynaıy sýreti boldy. Sýretshilerdiń aldynda aqyndy ár qyrynan kórsetý mindeti turǵan bolatyn", – dedi  Á. Qasteev atyndaǵy QR Memlekettik óner mýzeıiniń bólim basshysy Gúljazıra Muqajanova.

Sondaı-aq, mýzeı qabyrǵalaryna Abaıdyń jınaq kitaptaryna arnalǵan ıllıýstrasııalar toptamasyn jasaǵan sýretshilerdiń de týyndylary ilingen. Odan bólek zamanaýı sheberlerdiń eńbekteri usynylypty. Máselen, belgili sýretshi Tabyldy Muqatov Abaıdyń tórt mezgildi jyrlaǵan óleńderin sýret etip kenep betine túsirgen.

"Ilinip turǵan bul kartınalardy men Abaıdyń 175 jyldyǵyna arnadym. Bul sýretterdi bıyl salyp shyqtym.  Jazǵytury, jaz, qys, kúz degen tórt mezgilge arnap shyǵarǵan óleńderiniń jelisin maıly boıaýmen beıneledim", – dedi sýretshi, QR Sýretshiler odaǵynyń múshesi Tabyldy Muqatov.

Qylqalam sheberleri aqynnyń otyrǵan, qolyna kitap ustaǵan keıde shabyt ústindegi keıpin beıneleýge tyrysqan. Kórmede oıshyldyń ómir joly ǵana emes 19-ǵasyrdaǵy halyqtyń minezi men turmys-tirshiligi, kóshpeli jáne otyryqshy dalanyń kórinisteri sýretteledi. Abaıdyń mundaı san qyrly obrazyn mýzeı kelýshileri jańa jylǵa deıin tamashalaı alady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir