Baqytjan Saǵyntaev Bostandyq aýdanyn aralady

Almaty ákimi Baqytjan Saǵyntaev Bostandyq aýdanyndaǵy jumys sapary kezinde áleýmettik mańyzy bar nysandarda boldy, sonymen qatar qoǵamdyq keńistikterdi abattandyrý barysymen tanysty.

"Bostandyq aýdany. Jumys sapary kezinde birqatar áleýmettik nysandardy araladym. Ten Qogam ortalyǵynda múmkindigi shekteýli azamattardy jańa mamandyqqa oqytyp nemese kásibı biliktiligin damytý arqyly jumysqa ornalasýǵa kómek kórsetiledi. Jobany «Shyraq» QB múgedektigi bar áıelder qaýymdastyǵy» júzege asyrýda. Al «Áýen álemi» jobasy balalardyń mýzykalyq qabiletin damytýǵa baǵyttalǵan. Munda balalar dombyra, gıtara men shańqobyzda oınaýǵa tegin úıretiledi" - dedi Baqytjan Saǵyntaev.

Onyń aıtýyna qaraǵanda, dıplomnan keıingi bilim berýdiń halyqaralyq ınstıtýtynyń mamandary medısına qyzmetkerlerine halyqaralyq standart boıynsha biliktilikti arttyrý kýrstaryn uıymdastyrdy. 

"Munda kópsalaly klınıka ashyldy. Sondaı-aq Tamos Education mektebiniń, ulttyq kıim men kádesyı ónimderin tigetin sehtyń damý josparymen, aýlalar, saıabaq, skverler men jaıaý júrginshiler aımaǵyn abattandyrý jumystarynyń barysymen tanystym. Bul jumys qala turǵyndarynyń pikiri men tilekteri eskerile otyryp júrgizilýde", - dedi ákim.